فوتو: اشىق دەرەككوز
قازىرگى ۋاقىتتا ەلىمىزدەگى جەرگىلىكتى, وڭىرلىك جانە رەسپۋبليكالىق سپورت فەدەراتسيالارى جەكە سۋبەكتىلەر رەتىندە ارەكەت ەتەدى جانە ءبىر-بىرىنە باعىنبايدى. بۇل جاعداي سپورتتى دامىتۋداعى تاۋەلسىز ساياسات جۇرگىزۋگە, مۇددەلەر قاقتىعىسىنا جانە جاۋاپكەرشىلىكتىڭ ب ۇلىڭعىرلىعىنا اكەپ سوعۋدا, ناتيجەسىندە سپورتتىڭ دامۋى باياۋلاپ وتىر.
ۇسىنىلىپ وتىرعان جاڭا مودەل جەرگىلىكتى فەدەراتسيالاردىڭ اككرەديتتەلگەن رەسپۋبليكالىق (نەمەسە وڭىرلىك) سپورت فەدەراتسيالارىنا باعىنىشتى بولۋىن كوزدەيدى. بۇل وزگەرىس سپورتتى دامىتۋ سالاسىنداعى باسقارۋدى ورتالىقتاندىرۋدى, تيىمدىلىكتى ارتتىرۋدى جانە جاۋاپكەرشىلىكتى ايقىنداۋدى ماقسات ەتەدى.
«بۇل زاڭ جوباسى سپورت سالاسىنداعى باسقارۋ جۇيەسىن رەتكە كەلتىرىپ, ەلىمىزدەگى سپورتتى دامىتۋعا جاڭا سەرپىن بەرەدى دەپ سەنەمىز. ءبىز ءارتۇرلى دەڭگەيدەگى فەدەراتسيالاردىڭ ۇيلەسىمدى جۇمىس ىستەۋى ءۇشىن جاعداي جاساۋعا تىرىسامىز», دەپ اتاپ ءوتتى تۋريزم جانە سپورت ءمينيسترى ەربول مىرزابوسىنوۆ.
قۇجات قابىلدانعان جاعدايدا, سپورت فەدەراتسيالارى اراسىنداعى ءوزارا قارىم-قاتىناستاردى رەتتەيتىن جۇيە قۇرىلىپ, سپورتتى دامىتۋعا باعىتتالعان ءتيىمدى ساياساتتى قالىپتاستىرۋعا مۇمكىندىك بەرەدى.
