فوتو: اشىق دەرەككوز
مينيستر ءسوز كەزەگىندە زاڭ جوباسى نەگىزدەمەلىك سيپاتتاعى 3 ۇلكەن باعىتتى قامتيتىنىن اتاپ ءوتتى.
ء«بىرىنشى, سالانى رەتتەيتىن ۇزىن سانى 9 زاڭعا وزگەرىستەر ەنگىزىپ, وسىعان وراي ولاردىڭ ماقساتىن, مىندەتتەرى مەن پرينتسيپتەرىن قايتا انىقتايدى.
ەكىنشى, زاڭ جوباسى مينيسترلىكتىڭ قۇزىرەتىن زاڭنامالىق تۇرعىدان شامادان تىس رەتتەۋ ماسەلەسىن شەشەدى. اتاپ ايتقاندا, بۇرىن زاڭناماعا سىلتەنەتىن مينيسترلىكتىڭ موينىنداعى ءتول مىندەتتەردى, سونىڭ ىشىندە ىشكى پروتسەدۋرالارعا جانە باسقا مەملەكەتتىك ورگاندارمەن قارىم-قاتىناس ماسەلەلەرىنە قاتىستى نورمالار ەندىگى جەردە مينيسترلىكتىڭ ەرەجەسىمەن رەتتەلەتىن بولادى.
ءۇشىنشى, مەملەكەت باسشىسى وتكەن جىلعى جولداۋىندا كرەاتيۆتى يندۋستريا وكىلدەرىنە مەملەكەتتىك قولداۋ شارالارىن قارىستىرۋدى تاپسىرعان ەدى. مىنە, وسى تۇرعىدا ۇسىنىلىپ وتىرعان زاڭ جوباسى كرەاتيۆتى ءوندىرىستى قولداۋدىڭ ناقتى شارالارىن كوزدەيتىن مەملەكەتتىك ساياساتتى انىقتايتىن وزگەرىستەردى ۇسىنادى. ماسەلەن, ۇكىمەتكە وسى ساياساتتى جۇرگىزۋ جانە وسى سالانى دامىتۋعا جاۋاپتى زاڭدى تۇلعالاردى انىقتاۋ سياقتى ناقتى قۇزىرەت بەرۋدى كوزدەيدى», دەدى ايدا بالاەۆا.
ءسوز سوڭىندا ا.بالاەۆا بولاشاق زاڭناما ەل پرەزيدەنتىنىڭ بيلىك الدىنا قويعان تاپسىرمالارىن تولىق ورىنداپ, ونىڭ وسى باعىتتاعى قىزمەت جۇيەسىن ەداۋىر جاقسارتۋعا باعىتتالعانىن ءتۇسىندىرىپ, دەپۋتتاردان قولداۋ كۇتەتىنىن جەتكىزدى.
