فوتو: مادەنيەت جانە اقپارات مينيسترلىگى
حورەوگراف دجوردج بالانچينگە ارنالعان بۇل بايقاۋ 8-10 قاراشا ارالىعىندا كۋتايسيدە ءوتتى. وعان قازاقستان, لاتۆيا, گرۋزيا, ەستونيا بالەت مەكتەپتەرىنىڭ وكىلدەرى قاتىستى. بەدەلدى ونەر دوداسىندا «گۇلدەر» ءانسامبلىنىڭ بىرقاتار تالانتتى ارتىستەرى باق سىناپ, «حالىق ءبيى» جانە «قازىرگى زامانعى حورەوگرافيا» نوميناتسيالارىندا قازاقستاندىق حورەوگرافتاردىڭ قويعان نومىرلەرىن ۇسىندى.
انسامبل مۇشەلەرى قازاق حورەوگرافياسىنىڭ سۇلۋلىعى مەن تەرەڭدىگىن الەمدىك ساحنادا تانىتا وتىرىپ, قازاقستاننىڭ مادەنيەتىن جوعارى دارەجەدە كورسەتە الدى. ارتىستەردىڭ كاسىبي شەبەرلىگىن قازىلار القاسى جوعارى باعالادى.
اققانات سماعۇلوۆا, انەل ءجۇمادىلدينا جانە رۇستەم امىربەكوۆ ءۇش بىردەي ءبىرىنشى ورىندى جەڭىپ الدى. ال ەكىنشى ورىندى الان مۇحتار يەلەندى.
بايقاۋعا ونەرپازداردى «گۇلدەر» ءانسامبلىنىڭ باس بالەتمەيستەرى انۆارا سادىقوۆا مەن اليلا اليشەۆا, گۇلنارا سايتوۆا, المات شامشيەۆ, اسەل اباكاەۆا, ءامينا سامارباەۆا, ايدار احماديەۆ جانە دانا قۋانىشبەكوۆا سياقتى تاجىريبەلى پەداگوگ-حورەوگرافتار دايىنداپ, جەتەكشىلىك ەتتى. قازاق حالقىنىڭ ۇلتتىق ەرەكشەلىگىن ايشىقتايتىن ساحنالىق كوستيۋمدەردى اسەل لۇقپانوۆا مەن ناتاليا پروتاسوۆا دايىندادى.
