فوتو: adyrna.kz
اقمارال ءالنازاروۆانىڭ مالىمەتىنشە, بيىل امبۋلاتوريالىق جانە ستاتسيونارلىق دەڭگەيدە ءدارى-دارمەكپەن قامتاماسىز ەتۋگە رەسپۋبليكالىق بيۋدجەتتەن 474 ملرد تەڭگە, ال جەرگىلىكتى بيۋدجەتتەن 26,7 ملرد تەڭگە قاراجات جۇمسالعان.
سونىمەن قاتار امبۋلاتوريالىق دەڭگەيدە 251 ملرد تەڭگەگە 3,5 ملن پاتسيەنت 120 نوزولوگيا بويىنشا تەگىن ءدارى-دارمەكپەن قامتاماسىز ەتىلگەنى حابارلاندى.
اۋىل تۇرعىندارىنىڭ دارىلىك زاتتارعا قول جەتكىزۋىن قامتاماسىز ەتۋ ءۇشىن مەديتسينالىق ۇيىمدار بازاسىندا 172 ءدارىحانا جانە 694 جەكە ءدارىحانا, سونداي-اق 15 جىلجىمالى ءدارىحانا پۋنكتتەرى ۇيىمداستىرىلعان.
«پاتسيەنتتەردىڭ ستاتسيونارلىق دەڭگەيدەگى ءدارى-دارمەكپەن قامتاماسىز ەتىلۋى قازاقستاندىق ۇلتتىق دارىلىك فورمۋليارعا سايكەس ورتالىقتاندىرىلعان جانە دەربەس ساتىپ الۋ ارقىلى جۇزەگە اسىرىلادى. بيىل بىرىڭعاي ديستريبيۋتوردىڭ 2025 جىلعا ارنالعان ساتىپ الۋ ناۋقانى ءبىر اي بۇرىن باستالدى, بۇل «سق-فارماتسيا» جشس قويمالارىنا دارىلىك زاتتاردى 2025 جىلعى 1 قاڭتارعا دەيىن جەتكىزۋدى قامتاماسىز ەتۋگە مۇمكىندىك بەرەدى», دەدى دەنساۋلىق ساقتاۋ ءمينيسترى.
