فوتو: pixabay.com
بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە استانا قالالىق پوليتسيا دەپارتامەنتى كريمينالدىق پوليتسيا باسقارماسىنىڭ باستىعى داستان قاليەۆ ايتتى.
قازىرگى تاڭدا تسيفرلاندىرۋ قوعام ومىرىندە ايتارلىقتاي ورىن الادى, الايدا ونىڭ تارالۋىمەن قاتار ينتەرنەت-الاياقتىق جاعدايلارى دا كوبەيىپ وتىر.
سپيكەردىڭ مالىمەتىنشە, ەلوردادا حالىقتىڭ قارجىلىق جانە قۇقىقتىق ساۋاتتىلىعىن ارتتىرۋ ءۇشىن دارىستەر بەلسەندى تۇردە وتكىزىلىپ كەلەدى. بۇل ءىس-شارالاردا الاياقتار قولداناتىن ءادىس-تاسىلدەر مەن نەگىزگى ساقتىق شارالارى جان-جاقتى تۇسىندىرىلەدى. قوسىمشا ناسيحاتتاۋ جانە ءتۇسىندىرۋ جۇمىستارى جۇرگىزىلىپ, حالىق كوپ شوعىرلانعان جەرلەردە جادىنامالار مەن بروشيۋرالار تاراتىلادى.
