– «Isker talks» جوباسىنىڭ ماقساتى قانداي؟
– اقپاراتتىق تەحنولوگيالار ساعات سايىن دامىعان زاماندا بۇرىنعى قۇندىلىقتار جۇيەسىن ساقتاپ قالۋ سونشالىقتى قيىنداي ءتۇستى. اسىرەسە جاس بۋىن تاربيەسىندە جىبەرىپ الىپ جاتقان كەمشىلىكتەرىمىز بارى بەلگىلى. پرەزيدەنت قاسىم-جومارت توقاەۆ قوعامعا جاڭا سىن-قاتەرلەردىڭ قاۋپى تونگەن كەزدە زيالى قاۋىمعا ۇلكەن ءۇمىت پەن جاۋاپكەرشىلىك ارتىلاتىنىن بەكەر اتاپ وتكەن جوق. مەملەكەت باسشىسىنىڭ «ۇلت تاعدىرى سىنعا تۇسكەن ساتتە كوزى اشىق ازاماتتار ءاردايىم كوش باستاعان. اداسقانعا ءجون سىلتەپ, جاستارعا باعىت-باعدار بەرگەن. ەل اعالارى ءبىراۋىز سوزبەن تەنتەگىن تىيىپ, تەكتىسىن تورگە وزدىرعان. ءبىز قانىمىزعا سىڭگەن وسى قاسيەتتەن ايرىلماۋىمىز كەرەك» دەگەن ءسوزى ەل تىرەگى بولاشاق ۇرپاق دەسەك, ادامگەرشىلىك, ادىلدىك, پاراسات سىندى قاسيەتتەردى سىڭىرۋگە, ساپالى ءبىلىم مەن سانالى تاربيە بەرۋگە ۇمتىلۋىمىز قاجەت ەكەنىن كورسەتەدى.
دەمەك جاس وتانداستارىمىزعا ۇلگى تۇتاتىن, ومىرلىك جولىندا بيىك قوياتىن تۇلعالار قاجەت. ول – كوپتىڭ كوكەيىندەگى دۇنيەنى اشىق جەتكىزەتىن, باستىسى جەتىستىكتەر مەن تابىسقا تاباندى ەڭبەكپەن جەتكەن جاندار بولۋى كەرەك.
ال ىسكەرلىك ءارى كوشباسشىلىق قابىلەتى ارقىلى اۋقىمدى قاۋىمداستىقتار قۇرعان قوعام بەلسەندىلەرى مەن كاسىپكەرلىك رۋحىمەن قوعامنىڭ دامۋىنا, جاڭا جۇمىس ورىندارىنىڭ اشىلۋىنا, ەل ەكونوميكاسىنىڭ وركەندەۋىنە ۇلەس قوسىپ جۇرگەن كاسىپكەرلەرىمىزدىڭ ەڭبەگىن جاستارعا ناسيحاتتاۋ – «ÓzgeEpic» كەڭىستىگى ماقساتتارىنىڭ ءبىرى. «Isker talks» جوباسىنىڭ ماقسات-مىندەتى وسى اتالعان قۇندىلىقتارمەن ۇندەسەدى.
– الاڭدا وسى ۋاقىتقا دەيىن كىمدەر قوناق بولدى؟
– كەز كەلگەن وتاندىق وزىق مامان ءوزىنىڭ ءجۇرىپ وتكەن جولى, كەزەڭدەرى, سالاسىنىڭ ارتىقشىلىقتارى مەن كەمشىلىكتەرى, ءوزىنىڭ شەشىمدەرى مەن كوزقاراستارىمەن بولىسەدى. قوناق جينالعان اۋديتوريامەن سۇحبات قۇرا وتىرىپ, ولاردىڭ سۇراقتارىنا, ءوز ءىسىن باستاعىسى كەلىپ جۇرگەندەرگە وزىنە كومەكتەسكەن ءبىلىمى مەن تاجىريبەسىن ەسكەرىپ, بولىسەدى. سپيكەر مەن كەلگەن اۋديتوريا مۇشەلەرى ءوزارا تانىسىپ, الدا ىسكە اسۋى مۇمكىن جوبالاردى جوسپارلاۋعا مۇمكىندىك الادى.
ءبىزدىڭ الاڭنىڭ العاشقى سپيكەرى قايىرىمدىلىق قوزعالىسىن جاڭا ساپالىق دەڭگەيگە كوتەرگەن وتاندىق قور «Asarume» نەگىزىن قالاۋشى اسحات نۇرماشەۆ بولدى. كەزدەسۋدە ول جاستارمەن ءوزىنىڭ جەتىستىك جولىنداعى بەس قۇپياسىمەن ءبولىستى. بۇل – ادىلدىك, شىنشىلدىق, جومارتتىق, ەرلىك, ىقىلاس. ودان كەيىن ءبىلىم سالاسىنداعى بيزنەستىڭ مۇمكىندىكتەرى مەن قيىنشىلىقتارى تۋراسىندا الاڭدا «دارىن» مەملەكەتتىك جاستار سىيلىعىنىڭ لاۋرەاتى, «Bugin» حولدينگىنىڭ ديرەكتورى ايبەك قۋاتباي ءسوز سويلەدى.
قازىر وزەكتى ءارى ترەندتەگى سالا IT باعىتىندا كاسىپكەر ايبولات قۇلاتاي سپيكەر رەتىندە شاقىرىلدى. قوناق قازاقشا كونتەنت جاساۋداعى ۇردىستەرمەن, قالاي مونەتيزاتسيا جاساۋ كەرەك ەكەنىن كورسەتتى. ال تاريح پەن بۇگىندى ادەمى ۇشتاستىرا بىلگەن كرەاتيۆ ونىمدەر تۋراسىندا «Olja_peak» كاسىبىنىڭ نەگىزىن قالاۋشى, بەس تىلدە ەركىن سويلەيتىن, وتاندىق ءونىمدى دامىتۋعا ۇلەس قوسىپ جۇرگەن جاپونتانۋشى ساۋلەت باقىتكەلدى كەلىپ, تاجىريبەسىمەن ءبولىستى.
مىنە, وسى اپتادا عانا قازاقستاننىڭ تانىمال كاسىپكەرى جانە قوعام قايراتكەرى, «Respublica» پارتياسىنىڭ تەڭ توراعاسى, «اگروماشحولدينگ KZ» اق پرەزيدەنتى, قوستاناي تراكتور زاۋىتىنىڭ ديرەكتورى دينارا شۇكىجانوۆا «ساياسات پەن بيزنەستەگى ايەلدەردىڭ ءرولى» تاقىرىبىندا ءدارىس وقىدى. سۇحبات بارىسىندا دينارا كاسىبي جولىنىڭ العاشقى قادامدارىنان باستاپ, بيزنەستە تابىستى بولۋدىڭ قىر-سىرىن, ستراتەگيالىق ويلاۋ مەن شەشىم قابىلداۋدىڭ ماڭىزدىلىعىن جان-جاقتى تالدادى. ول ساياسات پەن بيزنەستەگى ايەلدەردىڭ رولىنە ەرەكشە توقتالىپ, نازىك جاندىلاردىڭ قوعامدىق جانە ەكونوميكالىق سالالارعا قوساتىن ۇلەسىن ارتتىرۋدىڭ ماڭىزىن اتاپ ءوتتى. ونىڭ ايتۋىنشا, قازىرگى زامانعى وزىق ماماندار باسقارۋشىلىق قابىلەتى مەن كاسىبي الەۋەتى ارقىلى قوعامدا وڭ وزگەرىستەر جاساۋعا قابىلەتتى. د.شۇكىجانوۆا وسى باعىتتاعى جاڭا باستامالاردى دامىتۋ – ەلدىڭ تۇراقتى دامۋىنا جانە ەكونوميكالىق ورلەۋىنە وڭ اسەر ەتەتىنىن باسا ايتتى. وسىنداي جەتەكشى تۇلعالاردىڭ تاجىريبەسى مەن قۇندى كەڭەس ەل جاستارىنىڭ ءومىر جولىندا باعىت-باعدار بولارى انىق.
– جاستار قانداي قامقورلىققا ءزارۋ؟
– الەمنىڭ ءار تۇكپىرىندەگى مەملەكەتتە, ءار زاماندا جاستار ەرەكشە ءىلتيپات پەن قامقورلىققا يە. كوپشىلىك ۇلت ءۇمىتىن ارقالاعان ەل ەرتەڭى جاستار دەپ سەنەدى. سوندىقتان ولاردىڭ قازىرگى قاجەتتىلىكتەرىن وتەپ, وتكىر تۇرعان ماسەلەلەرىن شەشۋ, دامۋىنا جاعداي جاساۋ ءار ازاماتتىڭ مىندەتى سانالادى. ويتكەنى ەلىمىزدىڭ تاريحى مەن مادەنيەتىنىڭ تاعدىرى, دامۋى مەن مودەرنيزاتسيالانۋى بۇگىنگى ۇرپاقپەن تىكەلەي بايلانىستى.
ەل جاستارىن الاڭداتار ءتۇيىندى ماسەلە كوپ. باسىم كوپشىلىگى باسپانا, جۇمىسسىزدىق جايىن ويلايدى. كەي بولىگى ءبىلىم ساپاسى مەن رۋحاني قۇندىلىقتارىنا الاڭدايدى. ەندى ءبىرى جاستار ساياساتىنداعى ولقىلىقتاردى تىزبەكتەپ, ءالى دە نازار اۋدارۋ كەرەك دۇنيەلەردى اتاپ جاتادى. مەنىڭشە, ءار ماسەلەدە جاس بۋىنعا باعىت-باعدار بەرۋ ماڭىزدى. «ÓzgeEpic» كرەاتيۆ حابى جاستاردى جاڭاشىلدىققا ۇندەيدى. زاماناۋي باسەكەگە قابىلەتتى وتاندىق ونەردى دامىتادى, قوعامنىڭ مادەني ساناسىن ارتتىرۋعا سەپ بولا وتىرىپ, دارىندى, زياتكەر جاستاردى قولدايدى.
– اڭگىمەڭىزگە راحمەت.
اڭگىمەلەسكەن –
زەيىن ەرعالي,
«Egemen Qazaqstan»
