31 قازان – 1 قاراشا كۇندەرى وسكەمەن قالاسىندا ورالحان بوكەي اتىنداعى كىتاپحانانىڭ ءماجىلىس زالىندا مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. ءىس-شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى, تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىنىڭ مامانى جاكيانوۆ دۋلات جاردەمكۋلوۆيچ جانە پسيحولوگ-ساراپشى, پوليمودالدى دەسترۋكتيۆتى پسيحولوگيا مامانى نوۆيكوۆا سۆەتلانا نيكولاەۆنا سەمينار وقىدى.
جاكيانوۆ دۋلات جاردەمكۋلوۆيچ ء«دىني احۋالدى مونيتورينگ جانە تالداۋ ماسەلەلەرى» تاقىرىبىندا تىڭداۋشىلارعا ءدىني سانانىڭ ەرەكشەلىكتەرىن, دىندارلىقتىڭ قۇرىلىمىن, جەكە تۇلعانىڭ جانە قوعامنىڭ ءدىني دامۋ ايىرماشىلىقتارىن ءتۇسىندىردى.
نوۆيكوۆا سۆەتلانا نيكولاەۆنا «كريزيسنىە سوستويانيا, ۆوزراستنىە كريزيسى, ەكولوگيچنىە پۋتي ۆىحودا يز نيح» تاقىرىبىمەن قاتىسۋشىلارعا پسيحولوگيالىق تۇراقتىلىقتىڭ نەگىزگى اسپەكتىلەرىن تەرەڭ قاراستىرۋعا, سونداي-اق ومىردەگى داعدارىس كەزەڭدەرىن ۇيلەسىمدى جەڭۋگە ىقپال ەتەتىن داعدىلاردى قالاي جەتىلدىرۋ كەرەك ەكەنىن ءتۇسىندىردى. سونداي-اق «ستراتەگيا پسيحولوگيچەسكوي تەراپي دليا پوستراداۆشيح وت درت» تاقىرىبىندا تەوريالىق اسپەكتىلەردى, سونداي-اق ددا قۇرباندارىن قالاي قالپىنا كەلۋگە جانە ءوز كۇشىنە دەگەن سەنىمدىلىكتى نىعايتۋعا كومەكتەسەتىن ادىستەر مەن تەحنيكالاردى ءىس جۇزىندە مەڭگەرۋىن ءتۇسىندىردى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار دارىسكەرلەرگە سۇراقتار قويىپ, تۇششىمدى جاۋاپتار الدى.
