فوتو: facebook.com/بەرىك ءۋالي
وسى قابىلداۋ كەشىندە تالانتىمەن الەمگە ەسىمى ايگىلى ديماش قۇدايبەرگەن ءان شىرقاعان. پرەزيدەنت كەڭەسشىسى ءارى ءباسپاسوز حاتشىسى بەرىك ءۋالي الەۋمەتتىك جەلىدەگى پاراقشاسىندا ديماش انىمەن جينالعان قاۋىمدى ءتانتى ەتكەنىن جازدى.
«ديماشىمىزدىڭ پاريج تورىندە شىرقاعان ەكىنشى ءانى اتاقتى «دايديداۋ». ەليسەي سارايىندا قوس پرەزيدەنتتىڭ الدىندا ورىنداعان ەكى ءانىن دە مەملەكەتتىك قابىلداۋعا جينالعان جۇرتشىلىق وتە جىلى قابىلدادى. وسى ەكى ءاننىڭ ۆيدەوسىن جولداعان فرانتسۋزدىق ارىپتەسىم اناستاسيا كولوسيموعا ايرىقشا راحمەتىمدى ايتامىن», دەدى بەرىك ءۋالي.
