فوتو: اشىق دەرەككوز
ەلوردادا كوممۋنالدىق قىزمەتتەر كۇشەيتىلگەن رەجيمدە جۇمىس ىستەپ جاتىر, دەپ حابارلايدى ەلوردا اكىمدىگىنىڭ رەسمي سايتى.
«7 قاراشادا تاڭەرتەڭ قالا كوشەلەرىن قاردان تازارتۋعا 2000-نان اسا جول جۇمىسشىسى مەن 750-گە جۋىق ارنايى تەحنيكا شىقتى. ءبىرىنشى كەزەكتە ورتالىق كوشەلەردە, جولاۋشىلار كولىگى مارشرۋتتارىندا, ايالدامالار مەن تروتۋارلاردا تازالاۋ جۇمىستارى جۇرگىزىلىپ جاتىر», دەلىنگەن حابارلامادا.
قالادا بىرنەشە جابدىقتالعان قار پوليگوندارى بار. وندا ساموسۆال تەحنيكاسىنىڭ نومىرلىك بەلگىلەرى وقۋ جۇيەسىمەن جابدىقتالعان, بەينەباقىلاۋ كامەرالارى ورناتىلعان, جارىقتاندىرۋ قوسىلعان.
ەلوردا اكىمدىگى تۇرعىندار مەن قالا قوناقتارىنان جولداردا اباي بولۋدى, قاۋىپسىزدىك ەرەجەلەرىن ساقتاۋدى, داۋىلدى ەسكەرتۋ بولعان جاعدايدا الىس ساپارلاردان باس تارتۋدى سۇرايدى. توتەنشە جاعداي تۋىنداعان كەزدە «112» تەلەفون نومىرىنە حابارلاسۋ قاجەت.
