سونداي-اق قازاقستان تەمىر جولى مەن «Alstom Transport» اراسىندا 6 ءوستى ەلەكتروۆوزدار بويىنشا ستراتەگيالىق ىنتىماقتاستىق تۋرالى كەلىسىمگە قول قويىلدى.
مەملەكەت باسشىلارى قاسىم-جومارت توقاەۆ پەن ەممانيۋەل ماكروننىڭ قاتىسۋىمەن 5 قاراشادا «سامۇرىق-قازىنا» جانە قتج كەلىسىمدەرىن قوسا العاندا, بارلىعى بەس قۇجاتقا قول قويىلدى.
ءبىر كۇن بۇرىن قوردىڭ باسقارما توراعاسى نۇرلان جاقىپوۆ فرانتسۋز كومپانيالارى توپ-مەنەدجمەنتىمەن كەزدەستى.
اعىمداعى جوبالار بويىنشا مارتەبەنى «سامۇرىق-قازىنا» باسشىسى «Orano S. A.» فرانتسيا اتوم ونەركاسىبىنىڭ كوشباسشىسىمەن تالقىلادى. فرانتسۋز كومپانياسى «قازاتومونەركاسىپپەن» ۋراندى بىرلەسىپ ءوندىرۋ جانە قايتا وڭدەۋ, سونداي-اق عىلىمي-تەحنيكالىق قىزمەت ماسەلەلەرى بويىنشا ىنتىماقتاسادى.
سونداي-اق نۇرلان جاقىپوۆ «Societe Generale» فرانتسۋز كونگلومەراتىنىڭ توپ-مەنەدجەرى يليا پولياكوۆپەن كەزدەستى. تاراپتار ىنتىماقتاستىق ماسەلەلەرىن تالقىلادى.
قازاقستان-فرانتسۋز ىسكەرلىك كەڭەسى شەڭبەرىندە «سامۇرىق-قازىنامەن» ىنتىماقتاستىقتىڭ ارتىقشىلىقتارى تۋرالى «سامۇرىق-قازىنا» اق باسقارۋشى ديرەكتورى سالتانات ءساتجان ايتىپ بەردى.
«سامۇرىق-قازىنا» – فرانتسياداعى «Total Energies», «Orano S. A.», «Societe Generale», «EDF» سياقتى ءىرى كومپانيالاردىڭ سەرىكتەسى.
سونىمەن قاتار «سامۇرىق-قازىنا» قازاقستان–فرانتسيا ىسكەرلىك كەڭەسىندە بەس قۇجاتقا قول قويىلدى, اتاپ ايتقاندا:
- قتج جانە «Societe Generale» اراسىنداعى «Alstom» ەلەكتروۆوزدارىن ساتىپ الۋدى قارجىلاندىرۋدىڭ نەگىزگى شارتتارى تۋرالى كەلىسىم;
- قتج-جۇك تاسىمالى جانە «ەقز» جشس «Alstom» تاراپىمەن قازاقستانعا 2028 جىلعا دەيىن 117 لوكوموتيۆ جەتكىزەتىن قوسىمشا كەلىسىمى;
- KEGOC جانە ASSYSTEM قازاقستاننىڭ ۇلتتىق ەلەكتر جەلىسىنىڭ ورنىقتىلىعى مەن تيىمدىلىگىن ارتتىرۋدا ىنتىماقتاستىق جانە جاردەم كورسەتۋ كەلىسىمى;
- «قازمۇنايگاز» جانە «Axens» قازاقستاندا SAF ءوندىرىسى بويىنشا جوبالاردى ىسكە اسىرۋ مۇمكىندىگىنە زەردەلەۋ كەلىسىمى;
- «قازاتومونەركاسىپ» جانە «Orano S. A.» اراسىنداعى ءبىلىم بەرۋ سالاسىنداعى ءوزارا تۇسىنىستىك جانە ىنتىماقتاستىق تۋرالى مەموراندۋم.
الدابەرگەن كەمپىرباي
