اتالعان اۆتوكولىكتەر پاترۋلدىك جانە ۋچاسكەلىك ينسپەكتورلاردىڭ كادەسىنە جاراپ, الداعى ۋاقىتتا ءبىر ۋچاسكەلىك ينسپەكتور رەتىندە بىرنەشە ەلدى مەكەنگە قىزمەت كورسەتەتىن, اراقاشىقتىعى 70 شاقىرىمدى قامتيتىن جاڭا اۋداندارداعى ينسپەكتورلار جۇمىسى شيراي تۇسەدى. سۋ جاڭا كولىكتەر وتاندىق كاسىپورىنداردا شىعارىلعانىن اتاپ وتكەن ءلازىم.
«كىلتى تابىستالىپ وتىرعان بۇل اۆتوكولىكتەر ءبىزدىڭ پاترۋلدىك جانە ۋچاسكەلىك ينسپەكتورلاردىڭ شاقىرتۋلارىن تەز ارادا ءتيىمدى ورىنداۋعا جول اشىپ وتىر. سىرت ايماقتاعى اۋىلدار مەن شالعاي ورىن تەپكەن ەلدى مەكەندەردەگى قاۋىپسىزدىكتى ارتتىرارىنا سەنىم مول. اتقارۋشى ورگانداردىڭ قولداۋى ءوڭىر تۇرعىندارىنىڭ تىنىشتىعىن قورعاۋ مۇمكىندىگىمىزدى نىعايتۋعا سەپتىگىن تيگىزەدى», دەدى بەكتورە جەڭىسباي ۇلى.
«ونەركاسىپتى دامىتۋ قورى» اق كومەگىمەن ليزينگتىك قارجىلاندىرۋ اياسىندا ساتىپ الىنعان قىزمەتتىك جاڭا كولىكتەر وبلىس بيۋدجەتىنىڭ ەسەبىنەن جۇزەگە اسىرىلدى. وڭىردەگى پوليتسيانىڭ اۆتوپاركى سوڭعى رەت 2017 جىلى جاڭارتىلعان ەدى. جەتى جىلدان بەرگى ولقىلىقتىڭ ورنى تولىپ وتىرعاندىقتان, جاڭا كولىكتەر كەلەشەكتە حالىقتىڭ قاۋىپسىزدىگىن قاداعالايتىن ءتارتىپ ساقشىلارىنىڭ جۇمىسىن جانداندىرىپ, جاڭا مۇمكىندىكتى پايدالانۋعا سەپتىگىن تيگىزەرىن ايتا كەتكەن ءجون. اتالعان ءىس-شارا پوليتسيا قىزمەتكەرلەرىنىڭ جاڭا مىندەتتەرىن ورىنداۋعا دەگەن دايىندىعىن ايعاقتايتىن سالتاناتتى شەرۋمەن اياقتالدى.
سەمەي
