ۇتىس يەگەرى اتانعان ەر ادام سەنەكا قالاسىنداعى «Lowry Food Mart» سۋپەرماركەتىنە كىرىپ بارا جاتىپ, «Carolina Cash» لوتەرەيا بيلەتىن كوزى شالىپ قالعان. كەيىن ساۋداسىن جاساپ, دۇكەننەن شىعىپ كەتەدى. الايدا سول بيلەت جاتسا دا, تۇرسا دا ەسىنەن كەتپەي قويادى. اقىرىندا قايتا اينالىپ بارىپ, لوتورەيا بيلەتىن ساتىپ الادى. قورعانىش قاباتىن وشىرگەن كەزدە ساندارى سايكەس كەلىپ, 300 مىڭ دوللار ۇتادى. وسىلايشا, ول تۇيسىگى الداماعانىن, بەكەردەن بەكەر مازاسى قاشپاعانىن تۇسىنگەن. ەر ادام ۇتقان اقشاسىنا جاڭا ءۇي ساتىپ الىپتى.
ەرەكشە كىرپىش
قىتاي ينجەنەرلەرى قۇرىلىس سالاسىندا قولدانۋعا بولاتىن ەرەكشە كىرپىش ويلاپ تاپتى.
بۇل كىرپىش 100 پايىز قايتا وڭدەلگەن پلاستيكالىق قالدىقتاردان جاسالعان. ساراپشىلاردىڭ ايتۋىنشا, ءونىمنىڭ ءبىر ەرەكشەلىگى جەپ-جەڭىل بولسا دا, وتە بەرىك. بۇل يننوۆاتسيالىق كىرپىشتەر قورشاعان ورتاعا زيانىن تيگىزبەيدى. ادەتتەگى كىرپىشتەردى كۇيدىرۋ ۇدەرىسى كوپ قۋاتتى قاجەت ەتەدى ءارى اۋاعا زياندى زاتتاردى ءبولىپ شىعارادى. ال جاڭا كىرپىشتەردى جاساۋدا قالدىق ماتەريالدار, ورگانيكالىق زاتتار قولدانىلادى. سونىمەن قاتار جاڭا كىرپىشتەردى جاساۋعا يننوۆاتسيالىق 3D-باسىپ شىعارۋ تەحنولوگيالارى دا قولدانىلادى. بۇل تەحنولوگيامەن كىرپىشتەردى كەز كەلگەن فورمادا شىعارىپ الۋعا بولادى.
ءولىم كالكۋلياتورى
ۇلىبريتانيادا دارىگەرلەر پاتسيەنتتەردىڭ قايتىس بولۋ مەرزىمىن ەسەپتەۋ ءۇشىن جاساندى ينتەللەكت نەگىزىندە جاسالعان ء«ولىم كالكۋلياتورىن» قولدانا باستادى.
ءولىم كالكۋلياتورى – ادامنىڭ ءومىر ۇزاقتىعىن بولجاۋعا ارنالعان ونلاين قۇرال. ول پايدالانۋشىنىڭ جاسى, جىنىسى, ءومىر سالتى, دەنساۋلىق جاعدايى, زياندى ادەتتەرى مەن فيزيكالىق بەلسەندىلىك دەڭگەيىنە سۇيەنە وتىرىپ بولجام جاسايدى. قۇرىلعى ستاتيستيكالىق دەرەكتەر مەن مەديتسينالىق زەرتتەۋلەرگە نەگىزدەلگەن. ء«ولىم كالكۋلياتورى» پاتسيەنتتىڭ قايتىس بولۋ قاۋپىن 78 پايىز ءدال انىقتاي الادى.
