فوتو: parlam.kz
«ستراتەگيالىق نىسانداردى جەكەشەلەندىرۋگە سايكەس تۇسىنىكسىز شەشىمدەرگە ءبارى ۇيرەنىپ قالعان, سوندىقتان بۇل اقپارات كۇمان تۋدىرعان جوق, بىراق ازاماتتاردىڭ, ونىڭ ىشىندە دەربەس دەرەكتەردى قورعاۋ سالاسىنداعى ساراپشىلاردىڭ ءادىل نارازىلىعىن تۋدىردى. بۇل رەتتە مۇنداي ارەكەتتەر زاڭناما نوۆەللالارىندا كوزدەلگەن. مەملەكەتتىك كورپوراتسيانىڭ قىزمەتى تۋرالى زاڭ جىلدىڭ باسىندا قابىلداندى. زاڭمەن قۇجاتتاردى قابىلداۋ جانە بەرۋ ۇدەرىستەرىنە, دەرەكتەردى قورعاۋعا جانە كورسەتىلەتىن قىزمەتتى الۋشىلاردىڭ اۋتەنتيفيكاتسيا ەرەكشەلىكتەرىنە قاتىستى ارىپتەستىك ۇيىمدارعا تالاپتار ەنگىزىلدى», دەيدى دەپۋتات.
ە. سمىشلياەۆانىڭ ايتۋىنشا, بۇل سول كەزدە جۇمىس ىستەپ تۇرعان 20-دان استام جەكە ۇيىمنىڭ رەتتەلمەيتىن, باقىلاۋسىز «كومەكشىلەردىڭ» بۇكىل نارىعىنىڭ جۇمىسىن رەتكە كەلتىرۋ ءۇشىن جاسالدى.
سونىمەن قاتار زاڭعا تاۋەلدى اكتىلەردە سەرىكتەستىك ۇيىمداردىڭ دەربەس دەرەكتەردى قورعاۋ بولىگىندەگى تالاپتارى مەن جاۋاپكەرشىلىگىن كۇشەيتۋ دە اسا ماڭىزدى ەكەنىن ايتتى.
«ولار تالاپتار مەن ەرەجەلەرسىز, پيلوتتىق جوبالار اياسىندا نەمەسە كولەڭكەدە جۇمىس ىستەدى. ول ءۇشىن مەملەكەتتىك قىزمەت رەسمي تۇردە ەكى بولىككە ءبولىندى – بۇل قۇجاتتاردى بەرۋ, قابىلداۋ جانە قىزمەتتىڭ ءوزى. بۇل ءتاسىل جەكە ۇيىمداردىڭ دەرەكتەرىمەن, سونىڭ ىشىندە جەكە مالىمەتتەرمەن جۇمىس ىستەۋگە قاتىستى پروتسەدۋرالارعا قاتىسۋىن ناقتى شەكتەۋگە مۇمكىندىك بەردى. زاڭ ءىس جۇزىندە مەملەكەتتىك فۋنكتسيالاردى نارىققا بەرۋگە مۇمكىندىك بەرگەن جوق, ويتكەنى سەرىكتەستەر ءۇشىن بۇل تەك ناتيجەلەردى قابىلداۋ جانە بەرۋ تۋرالى بولدى. «از سويلە, كوپ ىستە» دەگەن جاقسى ماقال بار. جەكەشەلەندىرۋ تۋرالى ارانداتۋشىلىق مالىمدەمەلەر جاساۋدىڭ ورنىنا, مەملەكەتتىك كورپوراتسيا وزەكتى ماسەلەلەردى شەشىپ, زاڭنامالىق نوۆەللالاردى ىسكە اسىرۋ جونىندەگى جۇمىستى جانداندىرۋى قاجەت», دەدى ول.
ءسوز سوڭىندا دەپۋتات فراكتسيا مەملەكەتتىك كورپوراتسيانىڭ جۇمىسى تۋرالى زاڭنىڭ نورمالارىن ونىڭ دۇرىس جانە قاۋىپسىز قولدانىلۋى بولىگىندە پايدالانۋ قۇقىعىن باقىلاۋدا ۇستايتىنىن اتاپ ءوتتى.
