فوتو: اشىق دەرەككوز
پرەمەر-مينيستر 19 زاڭ جوباسىنىڭ 12-ءسى مەملەكەت باسشىسىنىڭ تاپسىرمالارىن ىسكە اسىرۋعا باعىتتالعانىن اتاپ ءوتتى.
«ۇكىمەت پەن باسقا دا مەملەكەتتىك ورگاندار ەكونوميكانىڭ ورنىقتى دامۋىنا, دەنساۋلىق ساقتاۋ جۇيەسىن جانە ازاماتتاردىڭ ءومىر ءسۇرۋ ساپاسىن جاقسارتۋعا باعىتتالعان اۋقىمدى زاڭنامالىق باستامالار توپتاماسىن دايىنداۋى ءتيىس», دەلىنگەن حابارلامادا.
مەملەكەت باسشىسىنىڭ جولداۋىن ىسكە اسىرۋ شەڭبەرىندە جوسپار جوباسى قارجى نارىعىن تۇراقتى دامىتۋعا جانە كاسىپكەرلىك سۋبەكتىلەرى مەن ازاماتتاردىڭ ەكونوميكالىق بەلسەندىلىگىن ىنتالاندىرۋعا باعىتتالعان «بانكتەر جانە بانك قىزمەتى تۋرالى» جاڭا زاڭدى ازىرلەۋدى كوزدەيدى.
سونداي-اق سايلاۋ زاڭناماسىن, مەملەكەتتىك قىزمەتتى, مىندەتتى مەديتسينالىق ساقتاندىرۋدى, دەنساۋلىق ساقتاۋدى دامىتۋدى, بالامالى ەنەرگيا كوزدەرىن, تەلەكوممۋنيكاتسيا نارىعىن جانە دەرەكتەر ورتالىقتارىن جەتىلدىرۋگە ەرەكشە نازار اۋدارىلدى.
ۇكىمەت مۇشەلەرى ۇسىنعان جوسپار جوباسىن ماقۇلدادى. پرەمەر-مينيستر بيىلعى جوسپارىنىڭ قالعان بارلىق زاڭ جوباسىن پارلامەنتكە ەنگىزۋ جۇمىستارىن اياقتاۋدى جانە ساپالى سۇيەمەلدەۋدى قامتاماسىز ەتۋدى تاپسىردى.
