بيىلعى جىلدىڭ 31 قازان – 1 قاراشاسىندا تاراز قالاسىنداعى «Ark MS» قوناق ءۇيىنىڭ ءماجىلىس زالىندا قر مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن جانە «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى.
شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – نۇر-مۇباراك ەگيپەت يسلام مادەنيەتى ۋنيۆەرسيتەتى, ءدىنتانۋ كافەدراسىنىڭ PhD دوكتورى بوتاقاراەۆ باۋىرجان قۋانىشباي ۇلى جانە ءدىنتانۋشى, يسلامتانۋشى, PhD, اباي اتىنداعى قازاق ۇلتتىق پەداگوگيكالىق ۋنيۆەرسيتەتى, ساياساتتانۋ جانە الەۋمەتتىك-فيلوسوفيالىق پاندەر كافەدراسىنىڭ اعا وقىتۋشىسى ابىلوۆ تۇڭعىش تالعات ۇلى ءدارىس وقىدى.
باۋىرجان قۋانىشباي ۇلى ء«داستۇرلى يسلامنىڭ قۇندىلىقتارى» تاقىرىبىندا جاھاندىق جاعدايداعى تەرروريزم مەن ءدىني ەكسترەميزمگە قارسى كۇرەستىڭ قۇقىقتىق نەگىزدەرىنە توقتالا وتىرىپ, ءدىن سالاسىنداعى مەملەكەتتىك ساياساتتىڭ نەگىزگى باعىتتارىن, پرينتسيپتەرىن قاتىسۋشىلارعا ءتۇسىندىردى. سونداي-اق «قازاق حاندىعى مەن ەگەمەندىكتەن كەيىنگى ەلدەگى ءدىني احۋال» تاقىرىبىندا سەميناردىڭ ءبىرىنشى كۇنىن اياقتادى.
تۇڭعىش تالعات ۇلى «يسلامداعى جاڭا اعىمدار: نەگىزگى سيپاتتامالارى مەن يدەولوگيالىق ەرەكشەلىكتەرى» تاقىرىبى اياسىندا تىڭداۋشىلارعا ءدىني سانانىڭ ەرەكشەلىكتەرىن, دىندارلىقتىڭ قۇرىلىمىن, جەكە تۇلعانىڭ جانە قوعامنىڭ ءدىني دامۋ ايىرماشىلىقتارىن ءتۇسىندىردى. سونداي-اق «قازىرگى يسلامداعى ءداستۇرشىل جانە مودەرنيستىك اعىمداردىڭ يدەيالىق باستاۋلارى» تاقىرىبىمەن قازاقستانداعى ءدىني جاعدايلاردى تۇسىندىرە وتىرىپ, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
سونىمەن قاتار, سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
