جەتىسۋ وبلىسى پروكۋراتۋراسىنىڭ ۇيلەستىرۋىمەن پوليتسەيلەر جاركەنت قالاسىنىڭ اۋماعىندا تىيىم سالىنعان زاتتاردى تاراتۋمەن اينالىسقان 20 جاستاعى الماتى تۇرعىنىن ۇستادى.
ۇستاۋ «مەفەدرون» سينتەتيكالىق پرەپاراتىن سالۋ كەزىندە ورىن الدى. تەرگەۋ امالدارى بارىسىندا «ح» ەسىمدى ازاماتتىڭ ەسىرتكىنى پانفيلوۆ اۋدانىنىڭ ءارتۇرلى جەرلەرىندە قالدىرۋ ارقىلى تاراتقانى بەلگىلى بولدى.
سوت «ح» ەسىمدى ازاماتتى ەسىرتكى ساتقانى ءۇشىن كىنالى دەپ تاۋىپ, ونى 7 جىلعا باس بوستاندىعىنان ايىردى. ۇكىم زاڭدى كۇشىنە ەندى.
جەتىسۋ وبلىسى پروكۋراتۋراسىنىڭ ۇيلەستىرۋىمەن قۇقىق قورعاۋ جانە ارنايى ورگاندار ازاماتتاردىڭ دەنساۋلىعى مەن قاۋىپسىزدىگىن قورعاۋ ماقساتىندا ەسىرتكىنىڭ, اسىرەسە سينتەتيكالىق ەسىرتكىنىڭ زاڭسىز اينالىمىنىڭ جولىن كەسۋ بويىنشا بەلسەندى جۇمىسىن جالعاستىرىپ جاتىر.
