فوتو: adyrna.kz
مينيسترلىك مالىمەتىنشە, الماتى وبلىسىنىڭ تالعار قالاسى مەن الماتىدا جەر سىلكىنىسىنەن عيماراتتارعا زاقىم كەلمەگەن ءارى زارداپ شەككەندەر جوق.
الەۋمەتتىك نىساندار شتاتتىق رەجيمدە جۇمىس ىستەپ جاتىر.
«قازسەلدەنقورعاۋ» ماماندارى وزەن ارنالارىن, گيدروتەحنيكالىق قۇرىلىستاردى, كوشكىن قاۋىپتى جانە سەل قاۋىپتى ۋچاسكەلەردى زەرتتەۋ بويىنشا مونيتورينگ جۇرگىزگەن.
سونداي-اق, تالعار قالالىق ءبىلىم ءبولىمى بۇگىن ءبىلىم بەرۋ ۇيىمدارىندا ساباق بولمايتىنىن حابارلادى.
«تالعار اۋدانى بويىنشا ءبىلىم ءبولىمى بۇگىنگى كۇنى جەر سىلكىنىسىنە بايلانىستى بارلىق ءبىلىم بەرۋ ۇيىمدارىندا ساباق بولمايتىندىعىن جانە قاشىقتىقتان وقىتۋ جۇرگىزىلەتىنىن حابارلايدى», دەلىنگەن حابارلامادا.
ال قالا تۇرعىندارىنان «112» جەلىسىنە اقپاراتتىق سيپاتتاعى 50-گە جۋىق قوڭىراۋ كەلىپ تۇسكەن.
الماتى وبلىسىنىڭ تجد كوماندالىق ورتالىعىنىڭ بازاسىندا جەدەل جەلى تەلەفونى: 8 (7277) 22-60-97 جۇمىس ىستەپ تۇر.
