2024 جىلدىڭ 31 جەلتوقسانىنا دەيىن جابايى تۇياقتى جانۋارلاردى قاباندار مەن ەلىكتەردى اۋلاۋ جالعاسۋدا. تۇياقتى جانۋارلاردى اۋلاۋ ءتيىستى اڭشىلىق شارۋاشىلىعى سۋبەكتىسىنىڭ قورىقشىسىنىڭ قاتىسۋىمەن جۇرگىزىلەدى.
اڭ اۋلاۋ كەزىندە ءاربىر اڭشىنىڭ وزىمەن بىرگە رۇقسات بەرۋ قۇجاتتارى بولۋى ءتيىس: اڭشى كۋالىگى, اڭ اۋلاۋعا جولداما نەمەسە اڭشىلىق شارۋاشىلىعى ۇيىمىنىڭ جانۋارلار دۇنيەسىن پايدالانۋعا رۇقسات, اتىس قارۋىن الىپ جۇرۋگە جانە ساقتاۋعا رۇقسات, اڭ اۋلايتىن جىرتقىش قۇستارمەن اڭ اۋلاۋ كەزىندە – اڭ اۋلايتىن جىرتقىش قۇستىڭ پاسپورتى.
اڭشىلىققا بەرىلگەن جولداما نەمەسە جانۋارلار دۇنيەسىن پايدالانۋعا رۇقسات قولدانىلاتىن اڭشىلىق شارۋاشىلىعى سۋبەكتىسىنىڭ اۋماعىندا جانۋارلاردىڭ باسقا تۇرلەرىنە اڭ اۋلاۋ جۇرگىزىلگەن جاعدايدا قاسقىرلاردى, شيبورiلەردى, قارعالاردى, ساۋىسقانداردى, ۇلكەن سۋقۇزعىنداردى, تاعانداردى, قاڭعىباس يتتەردى اۋلاۋ (اتۋ) جانۋارلار دۇنيەسىن پايدالانۋعا رۇقساتتى تالاپ ەتپەيدى.
اڭ اۋلاۋعا تىيىم سالىناتىن اۋماقتارىنا باياناۋىل مەملەكەتتىك ۇلتتىق تابيعي پاركىنىڭ «قىزىل-تاۋ» مەملەكەتتىك قاۋمالى, «ەرتىس ورمانى» مەملەكەتتىك ورمان تابيعي رەزەرۆاتى, «ەرتىس وزەنىنىڭ جايىلماسى» مەملەكەتتىك كەشەندى قاۋمالى, پاۆلودار وبلىسىنىڭ اڭشىلىق القاپتارىنىڭ رەزەرۆتىك قورىنىڭ اۋماعى, ەلدى مەكەندەردىڭ جەرلەرى, ونەركاسىپ, كولىك, بايلانىس, قورعانىس جەرلەرى جاتادى.
