بالالار قاۋىپسىزدىگىن كۇشەيتۋگە ءمان بەردى

باسقوسۋعا وقۋ-اعارتۋ ءمينيسترى, مادەنيەت جانە اقپارات ءمينيسترى, باس پروكۋراتۋرا, ۇلتتىق قاۋىپسىزدىك كوميتەتى, ىشكى ىستەر مينيسترلىگى, پرەزيدەنت اكىمشىلىگى قۇرىلىمدىق بولىمشەلەرىنىڭ وكىلدەرى جانە بالا قۇقىقتارى جونىندەگى ۋاكىل قاتىستى.

جيىندا بالالاردىڭ قاۋىپسىزدىگىن قامتاماسىز ەتۋ جانە قۇقىقتارىن قورعاۋ, قۇقىق بۇزۋشىلىققا قارسى ءىس-قيمىل, جاسوسپىرىمدەر اراسىنداعى ءسۋيتسيدتىڭ الدىن الۋ جانە وعان جول بەرمەۋ بويىنشا جۇيەلى ءارى جەدەل ءىس-شارالاردى جۇزەگە اسىرۋ ماسەلەلەرى قارالدى.

ە.قارين بۇل پروبلەمالار مەملە­كەت­تىڭ ءجىتى نازارىندا ەكەنىن اتاپ ءوتتى. مەملەكەتتىك ورگاندار قاجەتتى ينستيتۋتسيونالدىق شەشىم­دەر ازىر­لەپ, سىن-قاتەرلەردىڭ الدىن الۋ تەتىكتەرى مەن الگوريتمدەرىن جاسادى.

مەملەكەتتىك كەڭەسشىنىڭ پىكىرىن­شە, بالالاردىڭ قاۋىپسىزدىگىن قام­تا­ماسىز ەتۋگە جانە ولاردى زاڭ تا­لاپ­ت­ارىنا قايشى اقپاراتتان قور­عاۋ­عا باعىتتالعان جۇمىستاردى جۇ­يە­لى جۇرگىزۋدىڭ ماڭىزى زور. اتال­عان شارالاردى جۇزەگە اسىرۋعا ازا­مات­تىق ينستيتۋتتاردى جانە اتا-انالار­دى دا تارتقان ءجون.

جيىن سوڭىندا ە.قارين جاۋاپتى مەملەكەتتىك ورگاندار اراسىنداعى بايلانىستى نىعايتۋ جونىندە ناقتى تاپسىرمالار بەردى.