تۋرنيرگە استانانىڭ «Alash» كومانداسى 2013-2014 جانە 2015-2016 جىلى تۋعان بالالاردى الىپ باردى. جارىس ەرەجەسىنە سايكەس كوماندالار «ا» جانە «ۆ» توبى بولىپ ەكىگە ءبولىندى. ءار توپتاعى 6 كوماندا ءبىر-بىرىمەن جاسىل الاڭدا ءوزارا كەزدەسىپ, 4 مىقتىنى انىقتادى. ناتيجەسىندە «Alash»-تىڭ ەكى بىردەي كومانداسى جارتىلاي فينالعا شىقتى.
فينالعا بەرىلەر جولداما ءۇشىن «Alash»-تىڭ 2015 جىلعى بالالارى استانانىڭ بجمورسم-8 كومانداسىنا پەنالتي سەرياسى ارقىلى (نەگىزگى ۋاقىت 1:1) ەسە جىبەردى. ال 3-ورىن ءۇشىن وتكەن ماتچتا «Rukh» كومانداسىنان 3:1 ەسەبىمەن باسىم بولدى. 1-ورىندى بجمورسم-8 كومانداسى يەلەنسە, 2-ورىننان تۇركيانىڭ «Manavgat Akademi» جاسوسپىرىمدەرى كورىندى.
Alash-تىڭ 2013-2014 جىلعى بالالارى وزدەرىنەن ءبىر-ەكى جاس ۇلكەن بالالارمەن تەرەزەسى تەڭ ونەر كورسەتتى. جارىس قورىتىندىسى بويىنشا فينالدا تۇركيانىڭ «Altin Shoshuk» كومانداسىن 2:0 ەسەبىمەن جەڭگەن الاشتىقتار انادولى ەلىندە توپ جاردى. ۇزدىك ۇشتىكتى وزبەكستاننىڭ «Oxbridge» فۋتبولشىلارى قورىتىندىلادى.
