فوتو: polisia.kz
پوليتسيانىڭ مالىمەتىنشە, جابىرلەنۋشى ەلورداعا جۇمىس بابىمەن كەلىپ, ۋاقىتشا تۇرۋ ءۇشىن حوستەلگە توقتاعان. بولمەدە زەرگەرلىك بۇيىمدار سالىنعان سومكەسىن قالدىرىپ, شارۋالارىمەن شىعىپ كەتكەن. ايەلدىڭ جوقتىعىن پايدالانعان حوستەل اكىمشىسى قوسالقى كىلت ارقىلى بولمەگە كىرىپ, سومكەدەن قۇنى 420 مىڭ تەڭگە تۇراتىن التىن تىزبەكتى ۇرلاعان.
«ۋچاسكە» جەدەل الدىن الۋ شاراسى بارىسىندا ەسىل اۋدانى پوليتسيا قىزمەتكەرلەرى ۇرلىققا قاتىسى بار 34 جاستاعى حوستەل قىزمەتكەرىن انىقتادى. كۇدىكتى ۇرلاعان بۇيىمدى لومباردقا وتكىزىپ, اقشانى ءوز قاجەتىنە جۇمساعان.
اتالعان فاكتى بويىنشا قىلمىستىق ءىس قوزعالىپ, زاتتاي دالەلدەمە يەسىنە قايتارىلعان.
