فوتو: دەنساۋلىق ساقتاۋ مينيسترلىگى
جاڭا نىسان 30 مىڭ شاقىرىمعا دەيىن قىزمەت كورسەتەتىن التى بريگاداعا قولايلى جاعداي جاساۋعا مۇمكىندىك بەردى.
سونىمەن قاتار جەرگىلىكتى تۇرعىنداردىڭ مەديتسينالىق قىزمەتتەرگە قولجەتىمدىلىگىن قامتاماسىز ەتۋ ءۇشىن اۋدانارالىق اۋرۋحاناعا 25 جاس مامان, ونىڭ ىشىندە انەستەزيولوگتار, تراۆماتولوگتار جانە جالپى پراكتيكا دارىگەرلەرى تارتىلدى. بيىل مەديتسينا قىزمەتكەرلەرىنىڭ وتباسىلارىنا 130 پاتەر بەرىلدى, ال كوتەرمە تولەم سوماسى 1,5 ملن تەڭگەدەن 8 ملن تەڭگەگە دەيىن ۇلعايتىلدى.
سونداي-اق بالقاش كوپبەيىندى اۋرۋحاناسى ەمحاناسىنىڭ بازاسىندا زاماناۋي دياگنوستيكالىق جابدىقتارمەن جاراقتالعان العاشقى ۇزدىك پراكتيكالار ورتالىعى اشىلدى. مۇندا كەشەندى مەديتسينالىق, الەۋمەتتىك جانە پسيحولوگيالىق كومەك ۇسىنىلادى, سونداي-اق «حالىق كەڭەسى» قوعامدىق قابىلداۋ بولمەسى جۇمىس ىستەيدى.
«ورتالىقتا مەديتسينالىق, الەۋمەتتىك جانە پسيحولوگيالىق قىزمەتتەردىڭ سيمبيوزى قامتاماسىز ەتىلەدى - بۇل وتباسىلىق مەديتسينا قاعيداتى. مۋلتيديستسيپلينالىق كوماندا اۋرۋلاردىڭ سەبەپتەرىن انىقتاي وتىرىپ, ءار وتباسىمەن اينالىسادى», دەپ اتاپ ءوتتى بالقاش كوپبەيىندى اۋرۋحاناسىنىڭ ديرەكتورى سەرىكبول تۇسىپبەكوۆ.
