فوتو: sputnik
تەرگەۋ ناتيجەسىندە پروكۋرورلار ورتا مەكتەپ ەسەپشىسىنىڭ 238 ميلليون تەڭگە بيۋدجەت قاراجاتىن زاڭسىز جىمقىرعانىن انىقتاعان.
«اقتوبە قالاسىنىڭ پروكۋراتۋراسىمەن ەسەپشى گ.-نىڭ 2019-2024 جىلدار ارالىعىندا قىزمەت بابىن پايدالانا وتىرىپ, مەكتەپ قاجەتتىلىكتەرىنە بولىنگەن 230 ملن تەڭگەدەن استام بيۋدجەت قاراجاتىن يەمدەنگەنىن انىقتادى. يەمدەنىپ الۋ سحەمالارى جالاقىنى بەلگىلەنگەن نورمادان تىس اۋدارۋ, قوس دەمالىس بەرۋ ارقىلى جۇزەگە اسىرىلعان», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
ايتا كەتەيىك, ەسەپشى گ.-نىڭ ءىس-ارەكەتى قك-ءنىڭ 189-بابىنىڭ 4-بولىگىنىڭ 2-تارماعىمەن سارالانعان.
«ارنايى پروكۋرورلارمەن قىلمىستىق ءىس ءمانى بويىنشا قاراۋ ءۇشىن, اقتوبە قالاسىنىڭ №2 سوتىنا جولداندى. 24.10.2024ج. سوتپەن ەسەپشى گ. كىنالى دەپ تانىلىپ, 7 جىلعا ماتەريالدىق جاۋاپكەرشىلىك لاۋازىمداردى اتقارۋ قۇقىعىنان ايىرىلدى. ودان بولەك 6 جىلعا باس بوستاندىعىنان ايىرۋ جازاسى تاعايىندالدى», دەلىنگەن حابارلامادا.
