فوتو: egemen.kz| ەرلان ومار
ءتيىستى زاڭدار ەلىمىزدىڭ الەۋمەتتىك-ەكونوميكالىق دامۋ بولجامىن, مەملەكەت باسشىسىنىڭ تاپسىرمالارىن نەگىزگە الا وتىرىپ ازىرلەنگەن.
2025 جىلى كىرىس 15,6 ترلن, 2026 جىلى – 16,7 ترلن, 2027 جىلى – 18,2 ترلن تەڭگە بولادى دەپ بولجانىپ جاتىر. شىعىندار سايكەسىنشە 25,8 ترلن, 23,2 ترلن جانە 24,6 ترلن تەڭگە بولماق. بۇل رەتتە ۇلتتىق قوردان كەپىلدەندىرىلگەن ترانسفەرتتەردىڭ كولەمى جىلىنا 2 تريلليون تەڭگەنى قۇرايدى.
رەسپۋبليكالىق بيۋدجەت شىعىستارىنىڭ 68 پايىزدان استامى قازاقستان رەسپۋبليكاسىنىڭ 2029 جىلعا دەيىنگى ۇلتتىق دامۋ جوسپارىندا, ۇلتتىق جوبالاردا, تۇجىرىمدامالاردا, دامۋ جوسپارلارىندا جانە باسقا دا قۇجاتتاردا بەلگىلەنگەن ستراتەگيالىق ماقساتتارى مەن نىسانالى ينديكاتورلارىن ىسكە اسىرۋعا باعىتتالعان.
زاڭ جوبالارى جونىندەگى جۇمىس توپتارىنىڭ جەتەكشىسى ەركىن ءابىل قوسىمشا بايانداماسىندا بيۋدجەت جوباسىندا تۇتاستاي العاندا ەكونوميكانىڭ تۇراقتى ءوسۋى (ورتا ەسەپپەن جىلىنا 5,4%-عا) بولجانعانىن اتاپ ءوتتى. ونىڭ ىشىندە, وڭدەۋ ونەركاسىبى (5,8%), قۇرىلىس (9,3%), اقپارات جانە بايلانىس (9,5%) ءوسۋ قارقىنى سىندى جەكەلەگەن سالالار بار.
بيۋدجەت جوباسى مەملەكەتتiڭ بارلىق الەۋمەتتiك مiندەتتەمەسىنiڭ ورىندالۋىن, سونىڭ iشiندە مەملەكەتتiك قىزمەتشiلەردiڭ جالاقىسىن, زەينەتاقى مەن ستيپەنديانى كەزەڭ-كەزەڭiمەن ارتتىرۋدى قامتاماسىز ەتەدi.
