فوتو: ۆەدومستۆو
كەلەسى جىلعى سۋارۋ ماۋسىمىنا سۋ جيناۋ رەجيمىندە جۇمىس ىستەپ جاتقان وڭتۇستىك وبلىستاردا سۋ قويمالارى 55 %-عا تولى, بۇل – بىلتىرعىمەن سالىستىرعاندا 23%-عا ارتىق.
بۇگىندە سۋ قويمالارى سولتۇستىكتە 79%-عا تولى, باتىس وبلىستار بويىنشا ورتاشا سۋ جيناۋ كولەمى 44%, شىعىستا 89%-عا تولى بولسا, ورتالىق قازاقستانداعى سۋ قويمالارىندا 85% سۋ بار.
«بارلىق سۋ قويمالارى بەكىتىلگەن كەستەگە ساي جۇمىس ىستەپ جاتىر. الايدا, جۇمىس كەستەسى سۋ تاسقىنىنا قاتىستى بولجامدارعا بايلانىستى تۇزەتىلەتىن بولادى. سۋ تاسقىنى كەزەڭىنە دايىندىق شەڭبەرىندە مينيسترلىك بارلىق وبلىستارعا سۋ باسۋ قاۋپىن ازايتۋ جونىندەگى ءىس-شارالاردىڭ تيىمدىلىگىن ارتتىراتىن جەرسناريادتار سەكىلدى مامانداندىرىلعان تەحنيكانى پايدالانا وتىرىپ, وزەن ارنالارىن تازارتۋ جونىندە ۇسىنىس جىبەردى», دەدى مينيسترلىكتىڭ رەسمي وكىلى ءمولدىر ابدۋاليەۆا.
