فوتو: primeminister.kz
ونەركاسىپ جانە قۇرىلىس ءمينيسترى قانات شارلاپاەۆتىڭ ايتۋىنشا, قازاقستاندا وسى جىلدىڭ 9 ايىندا 82 مىڭنان استام جەڭىل اۆتوكولىك شىعارىلعان.
سونداي-اق شاعىن توراپتى قۇراستىرۋ تەحنيكا ءوندىرىسىن ۇلعايتۋعا باسا نازار اۋدارىپ وتىر.
ەلىمىزدە ماشينا جاساۋ ءوندىرىسىن دامىتۋ ماقساتىندا بىرلەسكەن كاسىپورىندار قۇرىلماق. بۇل مەجەنى جۇزەگە اسىرۋ ءۇشىن قازاقستاندا جاڭا زاۋىتتار سالۋ ءۇشىن قارجى قۇيۋعا دايىن ينۆەستورلار كەلىپ جاتىر.
«ماسەلەن, CHANGAN, HAVAL, CHERY اۆتوموبيلدەرىن شىعاراتىن زاۋىتتىڭ قۇرىلىسى اياقتالۋعا جاقىن, ونىڭ ءوندىرىسى تولىعىمەن شاعىن توراپتى قۇراستىرۋعا نەگىزدەلگەن. قۋاتى – 90 مىڭ بىرلىك. KIA اۆتوموبيل وندىرەتىن زاۋىتتىڭ قۇرىلىسى ءجۇرىپ جاتىر. ينۆەستيتسيا سوماسى - $200 ملن. $150 ملن سوماسىنا Geely, Exceed, KAIYI جەڭىل اۆتوموبيلدەرىن ءوندىرۋ بويىنشا جوبا ىسكە قوسىلدى», دەدى قانات شارلاپاەۆ.
مينيستر بايانداماسىندا سەكتوردى ودان ءارى دامىتۋ لوكاليزاتسيانى تەرەڭدەتۋ جانە كومپونەنتتىك بازا ءوندىرىسىن يگەرۋ ەسەبىنەن جوسپارلانعانىن اتاپ ءوتتى. بيىل الماتى قالاسىندا مۋلتيمەديالىق جۇيەلەر مەن اۆتوكرەسلولاردىڭ سەريالىق ءوندىرىسى ىسكە قوسىلادى.
