- سوت «Air Astana» اۋە كومپانياسىن زەرەنىڭ اناسىنا مورالدىق شىعىن رەتىندە بەس ميلليون تەڭگە وتەماقى تولەۋگە مىندەتتەدى, - دەپ مالىمدەدى وتباسىنىڭ ادۆوكاتى دانيلحان شاگاتاەۆ.
وقيعا 2024 جىلدىڭ 21 شىلدەسىندە ورىن العان. 12 جاسار زەرە مەن ونىڭ ەگىزى زاۋرە استانا - ورال باعىتى بويىنشا ۇشىپ, اتا-اناسىنا ورالۋى ءتيىس بولعان. الايدا, «FlyArystan» كومپانياسىنىڭ ۇشاعىن اۋىستىرۋىنا بايلانىستى ورىن جەتىسپەي, زەرە رەيسكە جىبەرىلمەي قالادى. ونىڭ ورنىنا 19 جانە 20 شىلدە كۇنگى رەيستەردەن قالعان جولاۋشىلاردىڭ ءبىرى وتىرعىزىلادى.
اۋە كومپانياسى قىزدى قوناقۇيگە ورنالاستىرۋدى ۇسىنعانىمەن, اناسى ونى جالعىز قالدىرۋدان باس تارتادى. كەيىننەن زەرەگە تۋىسى كەلگەن سوڭ, اۋە كومپانياسىنىڭ قىزمەتكەرلەرى ونى رەيس جولاۋشىسى بولماعاندىقتان قوناقۇيگە ورنالاستىرا المايتىندارىن ايتادى.
وتباسى ادىلەتتىلىك ىزدەپ ءجاسوسپىرىمنىڭ قۇقىن قورعاۋ ءۇشىن سوتقا جۇگىندى. سوت ولاردىڭ تالابىن قولداپ, وۆەربۋكينگ فاكتىسى مەن كامەلەتكە تولماعان جولاۋشىمەن دۇرىس قارىم-قاتىناس جاسالماعانىن راستادى. ادۆوكاتتىڭ ايتۋىنشا, ازاماتتىق اۆياتسيا كوميتەتى وسىنداي وقيعالار قايتالانباۋى ءۇشىن تۇزەتۋلەر ەنگىزۋدى قولعا العان.
«Air Astana» كومپانياسى سوت شەشىمىمەن كەلىسپەسە, اپەللياتسياعا بەرە الادى.
