فوتو: اشىق دەرەككوز
سوت ۇكىمىمەن التىنباەۆ قك-ءنىڭ 245-بابىنىڭ 2-بولىگى 1) تارماعى (سالىق تولەۋدەن جالتارۋ) بويىنشا كىناسىز دەپ تانىلىپ, قىلمىس قۇرامىنىڭ بولماۋىنا بايلانىستى اقتالدى.
سوت القاسى ءىستى زەردەلەپ, مىناداي قورىتىندىعا كەلدى:
قپك-ءنىڭ 19-بابىنا سايكەس, سوتتالۋشىنىڭ كىنالىلىگىنە سەيىلمەگەن كۇمان ونىڭ پايداسىنا تۇسىندىرىلەدى.
وسىلايشا, كۋا ا. سوتتا 2019 جىلدىڭ شىلدە ايىنان باستاپ, 2021 جىلدىڭ ماۋسىمىنا دەيىن التىنباەۆ جشس ديرەكتورى بولىپ تاعايىندالعانىن, دەكلاراتسيانى جۇمىس ىستەگەن كەزەڭى ءۇشىن ءوزى تاپسىراتىنىن, ال التىنباەۆ 2019 جىلدىڭ 3-توقسانىنان سالىق دەكلاراتسياسىن تاپسىرا باستايتىنى تۋرالى ونىمەن كەلىسىم بولعانىن اتاپ كورسەتتى.
2019 جىلعى كەزەڭ ءۇشىن ف.100.00 (كپن) سالىق ەسەپتىلىگىن ول 2020 جىلدىڭ 25 مامىرىندا ءوزى تاپسىرعان, ءوزىنىڭ ەلەكتروندىق تسيفرلىق قولتاڭبا كىلتىمەن قول قويعان.
التىنباەۆ 2020 جىلدىڭ مامىر ايىنان باستاپ كوروناۆيرۋسپەن اۋىرىپ, ول ديرەكتوردىڭ مىندەتتەرىنىڭ ورىندالۋىن وزىنە تاپسىرعان جانە جشس-نىڭ بارلىق قارجىلىق جانە باسقا دا قۇجاتتارعا قول قويۋ قۇقىعىن وزىنە قالدىرعان.
قازىرگى ۋاقىتتا ول جشس باسشىسى رەتىندە اي سايىن 5 ملن تەڭگە سالىقتىق قارىزدى تولەپ جاتىر, 2023 جىلدىڭ قاراشاسىندا ونىڭ قارىزدى وتەۋ سوماسى شامامەن 48 ملن تەڭگەنى قۇراعان.
بۇل ايعاقتاردى باسقا كۋاگەرلەر - جشس قىزمەتكەرلەرى راستادى.
سوت جشس-ءنىڭ سالىق دەكلاراتسياسىن زەرتتەي كەلە, 2019 جىلعى 2-توقسان كەزەڭىنە ف.300 نىسانداعى سالىق ەسەپتىلىگى (ققس) جانە 2019 جىلعى كەزەڭ ءۇشىن ف.100.00 (كپن) دەكلاراتسيا ءۇشىن 2019 جىلعى 2 تامىزدا جانە 2020 جىلدىڭ 25 مامىرىندا شىن مانىندە ەسق كىلتىمەن ا.-نىڭ قول قويعانىن, ال ف.300 (ققس) نىساندى دەكلاراتسياعا 2019 جىلعى 3 توقسان كەزەڭى ءۇشىن ەسك-پەن قول قويعان التىنباەۆ ەكەنىن انىقتادى.
وسىلايشا, التىنباەۆ 2019 جىلدىڭ 3-توقسانى ءۇشىن ەسەپتەلگەن ققس بويىنشا 42 ملن تەڭگە كولەمىندە عانا جاۋاپكەرشىلىككە تارتىلۋى كەرەك.
بۇل سوما ەلەۋلى زالال بولىپ تابىلمايدى, قك-ءنىڭ 245-بابىندا كوزدەلگەن قىلمىستىق قۇقىق بۇزۋشىلىقتىڭ مىندەتتى بەلگىسى.
وسىنداي جاعدايدا سوت القاسى التىنباەۆقا قاتىستى سوت اكتىلەرىن وزگەرىسسىز قالدىرىپ, نارازىلىقتى قاناعاتتاندىرۋدان باس تارتتى.
