18 جاستاعى جىگىتتەر ءۇش اقمولالىق زەينەتكەردەن 6 ميلليون تەڭگەدەن استام اقشا العان. كوكشەتاۋدىڭ ءۇش تۇرعىنى تەلەفون الاياقتارىنىڭ قۇربانى بولدى.
«22 جانە 23 قازاندا زەينەتكەرلەردىڭ تەلەفوندارىنا بىردەي اقپاراتپەن قوڭىراۋلار ءتۇستى. بەلگىسىز ابونەنتتەر وزدەرىن قۇقىق قورعاۋ ورگاندارىنىڭ قىزمەتكەرلەرى رەتىندە تانىستىرىپ, نەمەرەلەرىنىڭ جول-كولىك وقيعالارىنا تاپ بولعانىن حابارلادى. الاياقتار ماسەلەنى اقشانىڭ كومەگىمەن شەشۋدى ۇسىندى جانە زەينەتكەرلەردى الداپ, سوڭعى جيناقتارىن الىپ قويعان», دەلىنگەن حابارلامادا.
زەينەتكەرلەردەن اقشالاي قاراجاتتى وڭتۇستىك استانادان كوكشەتاۋعا كەلگەن 18 جاستاعى ەكى كۋرەر العان. پوليتسيا دروپپەرلەردى دەرەۋ انىقتاپ, ءىزىن سۋىتپاي ۇستاعان.
جاستاردىڭ ايتۋىنشا, ولارعا جەڭىل تابىس تەلەگرامم قوسىمشاسىندا ۇسىنىلعان. كۋرەردىڭ جۇمىسىنا نە كىرەتىنىن تۇسىنە وتىرىپ, جاستار كۋراتورلاردىڭ نۇسقاۋى بويىنشا كوكشەتاۋعا كەلگەن. ەكى كۇن ىشىندە ولار ءۇش مەكەنجايدى اينالىپ ءوتىپ, قورىققان زەينەتكەرلەردەن اقشالارىن العان. ولار قولما-قول اقشانى جۇمىس بەرۋشى كورسەتكەن شوتتارعا اۋداردى. قازىرگى ۋاقىتتا بارلىق ءۇش فاكت بويىنشا سوتقا دەيىنگى تەرگەۋ جۇرگىزىلىپ جاتىر.
ولار ۇستالىپ, جاۋاپ الىنىپ جاتىر. قاجەتتى تەرگەۋ ارەكەتتەرى جۇرگىزىلىپ جاتىر.
