فوتو: اشىق دەرەككوز
«City Transportation Systems» جشس مالىمەتىنشە, №503 ەكسپرەسس-باعدار «استاناينەرت» جانە «نۇرلى جول» تەمىرجول ۆوكزالىن بايلانىستىرادى. ول «اگروقالاشىق» تا كولىكتىك قىزمەت كورسەتۋدى جاقسارتۋعا جانە قولدانىستاعى №№20, 33 باعدارلار جۇكتەمەسىن ازايتۋعا مۇمكىندىك بەرەدى. «نۇرلى جول» تج ۆوكزالىمەن تىكەلەي بايلانىستى قامتاماسىز ەتەدى جانە «Aspan bazar» ءسۇ, «ەۋرازيا» سو, «وربيتا» ءسۇ جانە «سامال», «جاستار» شاعىن اۋداندارى سياقتى نەگىزگى تارتۋ نۇكتەلەرىن قامتيدى. باعدارعا 10 اۆتوبۋس قىزمەت كورسەتەدى.
№504 ەكسپرەسس-باعدار ء«ى. جانسۇگىر ۇلى كوشەسى» مەن «جاعالاۋ» تك جالعايدى. باعدار «جاعالاۋ» شاعىن اۋدانىنا كولىكتىك قىزمەت كورسەتۋدى جاقسارتادى, №7 قالالىق ەمحانامەن تىكەلەي بايلانىستى قامتاماسىز ەتەدى جانە №29, 29ا, 42, 49, 51, 61 باعدارلار جۇكتەمەسىن ازايتۋعا مۇمكىندىك بەرەدى. «سااد» بو, «كەرۋەن» سوو, كارديوحيرۋرگيالىق كلينيكا جانە باسقا دا ماڭىزدى نۇكتەلەردى قامتيدى. باعداردا 8 اۆتوبۋس جۇرەدى.
№ 505 ەكسپرەسس-باعدار «ىرىسكەلدى قاجى مەشىتى» مەن «وتاۋ» تك بايلانىستىرادى. باعىت ە.سەركەباەۆ كوشەسىنە كولىكتىك قىزمەت كورسەتۋدى قامتاماسىز ەتەدى جانە №№ 5, 8, 9 جانە 13 باعدارلار جۇكتەمەسىن ازايتادى. ول «گۇلجان» ءسۇ, «جاننۇر» سو, №2 بالالار اۋرۋحاناسىنا جانە باسقا دا نەگىزگى نۇكتەلەرگە قىزمەت كورسەتەدى. باعدار بويىنشا 8 اۆتوبۋس جۇرەدى.
ەندى قالادا 5 ەكسپرەسس-باعدار جۇمىس ىستەيدى: № 501, № 502, № 503, № 504, № 505.
ەسكە سالا كەتەيىك, 6 قازاننان № 501 جانە № 502 ەكسپرەسس-باعدارلار ىسكە قوسىلعان ەدى. وسى ۋاقىت ىشىندە ولار 53 828 جولاۋشىنى تاسىمالداعان. ولاردىڭ جۇمىسى جىلدام ءارى جايلى ساپارلار, جول ءجۇرۋ ۋاقىتىن ازايتۋعا جانە ەلوردادا جولاۋشىلار تاسىمالىنىڭ ساپاسىن ارتتىرۋعا باعىتتالعان.
جول ءجۇرۋ قۇنى – 250 تگ. مەكتەپ جانە جەڭىلدىكتى كولىك كارتالارى جارامدى. اۆتوبۋستاردىڭ قوزعالىسىن «Avtobys», 2گيس جانە ياندەكس كارتى قوسىمشالارى ارقىلى باقىلاۋعا بولادى.
