فوتو: azattyq-ruhy.kz
استانادا ءۇشىنشى جىل قاتارىنان «مەنىڭ ەلىم – مەنىڭ تۋىم» اكتسياسى ءوتىپ جاتىر, ول قر مەملەكەتتىك تۋىن ناسيحاتتاۋعا باعىتتالعان. ۇلتتىق مەرەكە – رەسپۋبليكا كۇنى قارساڭىندا ەلوردا جاستارى «مەنىڭ ەلىم – مەنىڭ تۋىم!» چەللەندجىن قولدادى.
مەرەكەگە وراي جاستار وسىنداي ەرەكشە اكتسيا ۇيىمداستىرىپ, ۇيلەردىڭ بالكوندارىنا 1000-عا جۋىق تۋ ءىلدى.
ەلوردا جاستارى باستاعان اكتسيانى ەلىمىزگە تانىمال سپورتشىلار دا قولداپ, ءبىرى ءوز بالكوندارىنا تۋ ىلسە, ەندى ءبىرى ءانۇراندى شىرقادى. ولاردىڭ قاتارىندا MMA سپورت تۇرلەرىنەن استانا قالاسىنىڭ اعا جاتتىقتىرۋشىسى نۇرلان قارابالين مەن بوكستان جاستار اراسىندا ازيانىڭ ەكى دۇركىن جانە 22 جاسقا دەيىنگى ازيا چەمپيوناتىنىڭ جەڭىمپازى تەمىرلان مۇقاتاەۆ بار.
«مۇنداي باستامالار جاستار اراسىندا ءپاتريوتيزمدى نىعايتىپ, ۇلتتىق قۇندىلىقتاردى دارىپتەيدى. سپورت ارقىلى ءبىز ءوزىمىزدىڭ كۇشىمىزدى عانا ەمەس, رۋحاني بايلىعىمىزدى دا كورسەتەمىز. ءاربىر جەتىستىك – ەلىمىز ءۇشىن ماقتانىش, سوندىقتان ءبىز ءوز جەتىستىكتەرىمىزبەن وتانىمىزدى ودان ءارى دامىتۋعا ۇلەس قوسۋىمىز كەرەك», دەدى اۋىر سالماقتاعى بوكس شەبەرى تەمىرلان مۇقاتاەۆ.
سونداي-اق اۋىر اتلەتيكادان جاستار جانە جاسوسپىرىمدەر اراسىندا الەم چەمپيوناتىنىڭ ءۇش دۇركىن چەمپيونى ەلوردالىق ەدىگە ەمبەردى رەسپۋبليكا كۇنى قارساڭىندا مەملەكەتتىك گيمندى ورىنداپ, الەۋمەتتىك جەلىگە جۇكتەدى.
