فوتو: اشىق دەرەككوز
ول پروباتسيا ەسەبىندە بولا تۇرا, الدىن الا بەكىتىلگەن ءتارتىپتى ءۇش رەت بۇزعان. وسىعان بايلانىستى پروباتسيا قىزمەتى سوتقا ءوتىنىشحات جولداعان.
جوعارعى سوت مالىمدەمەسىندە ن.بولاتتىڭ پروباتسيا تالابىن بۇزعانى زەرتتەلىپ, دالەلدەنگەنى ايتىلعان.
«ن.بولاتتىڭ باس بوستاندىعىن شەكتەۋ تۇرىندەگى جازاسى وتەلمەگەن مەرزىمگە 1 جىل 5 اي 10 كۇنگە باس بوستاندىعىنان ايىرۋمەن اۋىستىرىلدى», دەلىنگەن حابارلامادا.
قاۋلى زاڭدى كۇشىنە ەنگەن جوق.
ايتا كەتەيىك, بۇعان دەيىن ن.بولاتقا ەكى نەمەسە ودان دا كوپ ادامنىڭ دەنساۋلىعىنا قاساقانا اۋىرلىعى ورتاشا زيان كەلتىرگەنى ءۇشىن 2 جىلعا باس بوستاندىعىن شەكتەۋ جازاسىن تاعايىنداعان ەدى. ەندى جازا باس بوستاندىعىنان ايىرۋعا اۋىستىرىلدى.
