فوتو: سۋ رەسۋرستارى جانە يرريگاتسيا مينيسترلىگى
كوپ فاكتورلى زەرتتەۋ نىسانداردى قاۋىپسىز پايدالانۋدى قامتاماسىز ەتۋ جانە اپاتتاردىڭ الدىن الۋ ءۇشىن جۇرگىزىلەدى. بۇگىندە مينيسترلىك ماماندارى «قازسۋشار» فيليالدارى مەن جەرگىلىكتى اتقارۋشى ورگاندارعا انىقتالعان كەمشىلىكتەردى جويۋ, جوندەۋ, مەملەكەت مەنشىگىنە قايتارۋ جۇمىستارى بويىنشا ءوز قورىتىندىلارىن بەردى. ۆەدومستۆو بيىل 63 گيدروتەحنيكالىق قۇرىلىستا كوپ فاكتورلى زەرتتەۋ جۇرگىزگەن.
مينيسترلىك جىل سوڭىنا دەيىن تاعى 19 نىساندا كوپ فاكتوردى زەرتتەۋ جۇرگىزۋدى جوسپارعا العان. ايتا كەتسەك, جاڭا سۋ كودەكسىنىڭ جوباسىنا سايكەس, ەلىمىزدە گيدروتەحنيكالىق نىساندار ءار 5 جىل سايىن كوپ فاكتورلى زەرتتەۋدەن وتۋگە مىندەتتەلەدى.
«مينيسترلىك ازىرلەگەن سۋ شارۋاشىلىعىن دامىتۋدىڭ كەشەندى جوسپارىنا سايكەس 2024-2028 جىلدار ارالىعىندا رەسپۋبليكا بويىنشا 557 نىساندا كوپ فاكتورلى زەرتتەۋ جۇرگىزۋ جوسپارلانىپ وتىر. ونىڭ ىشىندە, كەلەسى جىلى 105 گيدروتەحنيكالىق نىسان تەكسەرىستەن وتەدى. كوپ فاكتورلى زەرتتەۋ قورىتىندىسى بويىنشا كۇردەلى جوندەۋدى قاجەت ەتەتىن نىسانداردى قالپىنا كەلتىرۋ جوسپارىن قابىلداۋ قاجەت. اتالعان جۇمىستى باسسەيندىك ينسپەكتسيالار جەرگىلىكتى اتقارۋشى ورگاندارمەن بىرلەسە ورىنداۋى ءتيىس», دەدى اپپارات كەڭەسىندە سالا ءمينيسترى نۇرجان نۇرجىگىتوۆ.
