ەلوردا تۇرعىنى 24 جاستاعى جىگىتپەن شامامەن جارتى جىلداي كەزدەسىپ جۇرگەن. ءبىر كۇنى جىگىت كولىگىمەن كەلىپ, سالوندا قىزدىڭ قالتاسىنان تەلەفونى ءتۇسىپ قالعانىن بايقاپ قالعان. قىز تەلەفونىنىڭ قايدا ەكەنىن سۇراعاندا, جىگىت ونى وزىندە ەكەنىن ايتىپ, بىراق قايتارۋدىڭ ورنىنا, كەيىن مۇلدە بايلانىسقا شىقپاي قويعان.
سارىارقا اۋداندىق پوليتسيا باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا كۇدىكتىنىڭ تەلەفوندى لومباردقا وتكىزگەنىن انىقتادى. ول تۇسكەن اقشانى ءوز قاجەتتىلىكتەرىنە جۇمساپ, 600 مىڭ تەڭگە كولەمىندە ماتەريالدىق شىعىن كەلتىرگەن. بۇل فاكتى بويىنشا قىلمىستىق ءىس قوزعالدى. پوليتسەيلەر تەلەفوندى تاركىلەپ, ونىڭ زاڭدى يەسىنە قايتاردى.
استانا قالاسى پوليتسيا دەپارتامەنتى ازاماتتاردى ساق بولۋعا جانە بەيتانىس ادامدارعا سەنبەۋگە شاقىرادى.
