اۆتور شىعارماشى-لىعىنىڭ ونكۇندىگى «ساكەن» فيلم-كونتسەرتىنىڭ پرەمەراسىمەن اشىلدى. «كەرۋەن» ساۋدا ورتالىعىنداعى «Kinopark» كينوزالىندا كورسەتىلگەن ق.ءجۇنىستىڭ بۇل تۋىندىسى ق.قۋانىشباەۆ اتىنداعى قازاق مەملەكەتتىك اكادەميالىق مۋزىكالىق دراما تەاترى, تاعى باسقا ونەر شاڭىراقتارى ارتىستەرىنىڭ قاتىسۋىمەن, ەل ازاماتتارىنىڭ دەمەۋشىلىگىنىڭ ارقاسىندا ءتۇسىرىلىپتى.
تۇڭعىش فيلم-كونتسەرت ەلورداداعى سەيفۋللين مۇراجايىندا ءىلۋلى تۇرعان اقىن پورترەتىنىڭ ءتىرى ساكەنگە اينالۋىنان باستالىپ كەتەدى. اقىرىن عانا قوس ەسىكتى ايقارا اشقاندا ار جاعىنان اقبوز اتپەن ءان سالىپ ءوتىپ بارا جاتقان اقىن بەينەسى كورىنەدى دە, جايلاپ قانا «سىر ساندىق» سۋرەتتەرىنە الا جونەلەدى. كىندىك قانى تامعان ورتاۋداعى سەيفوللانىڭ قاراشىلىگىندە بالا اقىننىڭ قيالىن تەربەگەن ساندىقتاستان تۇلەپ, وقجەتپەستىڭ قياسىنا سامعاعان كارتينالار تىزبەگى ساكەن اندەرىمەن كومكەرىلىپ, قايراتكەر ومىرىنە قاتىستى ماڭىزدى اقپاراتتارمەن ادىپتەلەدى. فيلم-كونتسەرتتە دەرەكتى جانە كوركەم كينونىڭ ەلەمەنتتەرى بار. س.سەيفۋلليننىڭ «تاۋ ىشىندە», ءبىزدىڭ جاقتا», «كوكشەتاۋ», «اقساق كيىك» اندەرىمەن قوسا, بۇعان دەيىن تەك اقىن تۇلەپ-ۇشقان توپىراقتا عانا شىرقالىپ كەلگەن «بابالارىما» ءانىن ق.ءجۇنىستىڭ ءوزى شىرقاپتى. وسىعان دەيىن ەفيرگە شىعا قويماعان تۋىندىنى ساكەن ەلىنىڭ ازاماتى, كينوگەر رامازان قۇرمانباەۆتان جاڭاارقالىق ءانشى عالىم مۇحامەدين ۇيرەنىپ, ايتىپ جۇرگەنىن ءبىلۋشى ەدىك. ساكەن مۇراسىنا اسا ىجداعاتپەن قارايتىن قانات ءجۇنىس فيلم-كونتسەرتىنە ەنگىزىپ, ناقىشىنا كەلتىرە ورىنداپتى. جالعىز ساكەن ەمەس, مۇندا ءىلياس پەن بەيىمبەتتىڭ وبرازدارى سومدالىپ, ءۇش ارىستىڭ تۇلعاسى جاراسىمدى كورىنىس تاپقان.
اققۋدىڭ ارى مەن جازىقسىز كيىكتىڭ جانىنا اتىلعان وق قازاق دالاسىندا اۋەلى ساكەن جۇرەگىنە تيگەندەي اسەر قالدىراتىن تۇڭعىش فيلم-كونتسەرت اقىن رۋحىنىڭ ءبىر كورىنىسى ىسپەتتەس.
