نيگەريانىڭ سولتۇستىگىندەگى دجيگاۆا شتاتىندا جۇرگىزۋشىنىڭ باسقارۋعا يە بولا الماعانىنان جانارماي قۇيىلعان تانكەر اۋدارىلىپ قالعان. سالدارىنان 94 ادام قازا تاۋىپ, 50 ادام ءتۇرلى دەنە جاراقاتتارىن العان.
ء«بىز جانارماي قۇياتىن تسيستەرناعا ەشكىمنىڭ جاقىنداماۋى ءۇشىن بار كۇشىمىزدى سالدىق, بىراق ادامدار جانارماي جيناۋعا كىرگەندىكتەن, ءورت شىقتى», دەدى جەرگىلىكتى پوليتسيا وكىلى.
نيگەريالىق The Whistler باسىلىمى شتات پوليتسياسىنا سىلتەمە جاساپ, 105 ادامنىڭ قازا تاپقانىن حابارلادى. تانكەر جۇرگىزۋشىسى زارداپ شەكپەگەن, بىراق ول تەرگەۋگە دەيىن قاماۋعا الىنعان.
جەرگىلىكتى بيلىكتىڭ مالىمەتتەرى بويىنشا, 2020 جىلى نيگەريادا جانارماي قۇيىلعان تسيستەرنالاردىڭ قاتىسۋىمەن 1531 اپات بولعان. سالدارىنان بارلىعى 535 ادام قايتىس بولعان.
