فوتو GOV.kz
ءماجىلىس دەپۋتاتى نارىقتىڭ قىسپاعىمەن اۋىلدان قۇت قاشقانىن, اۋىلداعى اعايىننىڭ ورتاشا جالاقىسى قالا تۇرعىندارىنىڭ جالاقىسىنا قاراعاندا 30%-دان تومەندىگىن, بەلەڭ العان قىمباتشىلىق پەن جۇمىسسىزدىقتىڭ دا سالدارىن كوبىرەك تارتىپ وتىرعان وسى اۋىل جۇرتشىلىعى ەكەنىن العا تارتىپ, «اۋىل اماناتى» جوباسى اۋىل تۇرعىندارى ءۇشىن ۇلكەن قولداۋ ەكەنىن العا تارتتى.
«بۇكىل ءوڭىردى قامتىپ, اۋىل تۇرعىنىنا ءوز شارۋاسىن دوڭگەلەتۋ ءۇشىن 2,5 پايىزبەن وتە تومەن, الۋ ءتارتىبى جەڭىلدەتىلگەن شاعىن نەسيە بەرەتىن جوباعا جالپى 1 ترلن تەڭگە قاراستىرىلعان.جوبا بويىنشا بىلتىر 100 ملرد تەڭگە ءبولىنىپ, يگەرىلدى. بيىل دا 100 ملرد تەڭگە ءبولىنۋ جوسپارلانعان بولاتىن.الايدا جىل سوڭىنا تاياسا دا ول قاراجات بولىنبەي, ۇكىمەت وڭىرلەرگە تەك 7 ملرد تەڭگە عانا جىبەرگەن. مۇنى قالاي تۇسىنۋگە بولادى؟ ۇكىمەت قۇراۋشى امانات پارتياسىنىڭ تىكەلەي باقىلاۋىندا تۇرعان جوبانىڭ سىلبىر ورىندالۋىنىڭ سەبەبى نەدە؟», دەدى دەپۋتات.
ونىڭ ايتۋىنشا جوبانىڭ ناتيجەلى اتقارىلۋىندا بىرقاتار تۇيتكىلدەر بار:
بىرىنشىدەن, ۇكىمەتتىڭ ءوز ۆەدوموستۆولارى اراسىنداعى ءوزارا كەلىسىلمەگەن ارەكەتتەر جۇيەلى تۇردە كەدەرگى بولۋدا. ءوڭىر اكىمدەرى جوبا اياسىندا سومانىڭ قايتارىلۋ كەپىلى بولعانىن ەسكەرىپ, كوبىندە تاۋەكەلگە بارۋدان باس تارتىپ وتىر. اۋىل حالقىن كەدەيشىلىكتەن قۇتقاراتىن بىردەن-ءبىر جوبادا ءاربىر وبلىس, اۋدان اكىمدەرى تارتىنىپ قالماۋى ءتيىس.
ەكىنشىدەن, جوباعا قاتىسۋشىلاردىڭ كوبىسى اۋىل شارۋاشىلىعى وندىرىسىنە وقىتىلمايدى. ال ونسىز باسەكەگە قابىلەتتى ءونىم شىعارۋ مۇمكىن ەمەس. وسىنى ەسكەرىپ, «AMANAT» پارتياسىنىڭ باستاماسىمەن جامبىل وبلىسى مەركى اۋدانىندا وقىتۋ ورتالىعى اشىلدى. ەندى سونى باسقا دا ايماقتارعا تاراتۋ قاجەت. مۇنى پرەزيدەنتىمىز بيىلعى جولداۋىندا ناقتى تاپسىردى.
ۇشىنشىدەن, جوبا اياسىندا اۋىل تاۋار وندىرۋشىلەرىن قولداۋعا ارنالعان كەشەندى ەكوجۇيەنىڭ قۇرىلماۋى دايىن ءونىمدى وتكىزۋدە قيىندىق تۋدىرۋدا.
مىسالى, بيىل وڭتۇستىكتەگى شارۋالار قۇلپىنايدان جاقسى ءونىم وسىرگەنىمەن, ساتا المادى. ويتكەنى نارىقتى يمپورتتالعان باعاسى ارزان قۇلپىناي باستى. شارۋالار ءونىمدى قايتا وڭدەۋگە, ۇزاق ساقتاۋعا قاجەتتى ينفراقۇرىلىم بولماعاندىقتان, ءوز قۇنىنان ارزانعا ساتۋعا ءماجبۇر بولدى. سونىڭ سالدارىنان شىعىنعا باتىپ, قارىز بولىپ قالدى. نەسيە قاراجاتىنىڭ قاشان قايتارىلاتىنىن ايتۋ قيىن.
تورتىنشىدەن, جوباعا نەسيەلىك بەرەشەگى بار ازاماتتار قاتىسا الماۋدا. مەملەكەتتىك قولداۋدى ءبىرىنشى كەزەكتە قاجەت ەتەتىندەر دە وسىلار بولاتىن. بىراق بانكتىك قارىزدىڭ بولۋىنا بايلانىستى ولار مەملەكەتتىك باعدارلامالاردىڭ مۇمكىندىكتەرىن پايدالانا الماي, جەڭىلدەتىلگەن نەسيە الىپ, ءوز ءىسىن اشا المايدى.
اتالعان جايتتەر جوبانىڭ تيىمدىلىگىن تومەندەتىپ وتىرعانىنا توقتالعان ءماجىلىس دەپۋتاتى وسى رەتتە, پرەزيدەنتتىڭ اۋىل حالقىنىڭ تۇرمىسىن جاقسارتۋعا باعىتتالعان «اۋىل اماناتى» جوباسىنا قوسىمشا كەلەسى شارالاردى تەز ارادا پىسىقتاۋ قاجەتتىگىن اتاپ ءوتتى.
«شاعىن اۋىل شارۋاشىلىعى وندىرۋشىلەرى وندىرگەن ءونىم ءۇشىن سەرتيفيكاتتاۋدى جەڭىلدەتۋ ماسەلەسىن پىسىقتاۋ قاجەت. اۋىل تۇرعىندارىنا ءوز ونىمدەرىن وڭدەۋگە جانە ساتۋعا مۇمكىندىك بەرەتىن ينفراقۇرىلىم قۇرۋدىڭ ماڭىزى زور. قارجى مينيسترلىگى جوبا بويىنشا بيىلعا جوسپارلانعان 100 ملرد تەڭگەنى تولىق كولەمدە ءبولۋدى تەزدەتۋى ءتيىس.ەل پرەزيدەنتىنىڭ تاپسىرماسىنا سايكەس جوبا اياسىندا تاعى ءبىر جاڭا ءتاسىلدى, ياعني «تاۋار نەسيەسىن» بەرۋ ماسەلەسىن قاراستىرۋ قاجەت». دەدى ەلنۇر بەيسەنباەۆ.
