فوتو: habr.com
مانار اداموۆانىڭ ايتۋىنشا, جاڭا قوسىمشا ۇيدە بالا تاربيەلەپ وتىرعان اتا-انالارعا ماڭىزدى ماسەلەلەر بويىنشا قولجەتىمدى كونتەنت ۇسىنادى, اتاپ ايتساق دەنساۋلىق, تاماقتانۋ, ءبىلىم بەرۋ, داعدىلاردى دامىتۋ جانە بالالارمەن ءوزارا ارەكەتتەسۋ. بارلىق قولدانبالى ماتەريالدار نەيروبيولوگيالىق زەرتتەۋلەر نەگىزىندە ازىرلەنگەن, بۇل ولاردىڭ تيىمدىلىگى مەن پراكتيكالىق قۇندىلىعىنا كەپىلدىك بەرەدى.
«قازىرگى ۋاقىتتا قوسىمشا قاراعاندى, شىعىس قازاقستان, قىزىلوردا جانە اقتوبە وبلىستارىنداعى مەكتەپكە دەيىنگى ۇيىمداردا سىناقتان ءوتىپ جاتىر. تولىق ىسكە اسىرۋ قاراشا ايىنا جوسپارلانعان. سونىمەن قاتار مازمۇنى كەڭەس بەرۋ ورتالىقتارىندا قولجەتىمدى بولادى, وندا اتا-انالار ءىس-شارالارعا قاتىستى يدەيالار مەن پراكتيكالىق كەڭەستەر الادى», دەپ اتاپ ءوتتى مانار اداموۆا.
سونىمەن قاتار ءاداموۆا وتىنىشتى مەكتەپكە دەيىنگى ۇيىمداردىڭ كونسۋلتاتسيا ورتالىقتارى ارقىلى الۋعا بولاتىنىن ايتتى. سونداي-اق اتا-انالار مەكتەپ جاسىنا دەيىنگى بالالاردى تاربيەلەۋ مەن دامىتۋعا قاتىستى ماسەلەلەر بويىنشا تاۋلىك بويى ادىستەمەلىك جانە پسيحولوگيالىق قولداۋ الا الادى.
