قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ بۇيرىعى  №289

2014 جىلعى 25 شىلدە, استانا قالاسى سپورت ءتۇرى بويىنشا قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ (سپورت ءتۇرى بويىنشا ۇلتتىق قۇراما كوماندالاردىڭ) قۇرامىن قالىپتاستىرۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2014 جىلعى 3 شىلدەدەگى «دەنە شىنىقتىرۋ جانە سپورت تۋرالى» زاڭىنىڭ 7-بابى 31) تارماقشىسىنا سايكەس, بۇيىرامىن: 1. قوسا بەرىلىپ وتىرعان سپورت ءتۇرى بويىنشا قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ (سپورت ءتۇرى بويىنشا ۇلتتىق قۇراما كوماندالاردىڭ) قۇرامىن قالىپتاستىرۋ قاعيدالارى بەكىتىلسىن; 2. ستراتەگيالىق دامۋ دەپارتامەنتى (د.ءۇ. قامزەباەۆا) زاڭنامادا بەلگىلەنگەن تارتىپپەن: 1) قازاقستان رەسپۋبليكاسى ادىلەت مينيسترلىگىنە وسى بۇيرىقتى مەملەكەتتىك تىركەۋگە ۇسىنۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى, سونىمەن قاتار قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ رەسمي ينتەرنەت-رەسۋرسىندا جاريالاۋدى قامتاماسىز ەتسىن. 3. مىنالار كۇشى جويىلدى دەپ تانىلسىن: 1) «قازاقستان رەسپۋبليكاسىنىڭ قۇراما كوماندالارىن جاساقتاۋ مەن دايارلاۋدى ۇيىمداستىرۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى تۋريزم جانە سپورت ءمينيسترىنىڭ 2011 جىلعى 24 تامىزداعى № 02-02-18/169 بۇيرىعى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7193 بولىپ تىركەلگەن, 2011 جىل 18 قازان № 501-502 (26894) «ەگەمەن قازاقستان» گازەتىندە جاريالانعان); 2) «قازاقستان رەسپۋبليكاسىنىڭ قۇراما كوماندالارىن جاساقتاۋ مەن دايارلاۋدى ۇيىمداستىرۋ جونىندەگى نۇسقاۋلىقتى بەكىتۋ تۋرالى» «قازاقستان رەسپۋبليكاسى تۋريزم جانە سپورت ءمينيسترىنىڭ 2011 جىلعى 24 تامىزداعى № 02-02/18/169 بۇيرىعىنا تولىقتىرۋلار ەنگىزۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2013 جىلعى 04 قىركۇيەكتەگى № 318 بۇيرىعى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8764 بولىپ تىركەلگەن, 2013 جىلعى 31 قازانداعى № 243 (28182) «ەگەمەن قازاقستان» گازەتىندە جاريا ەتىلگەن). 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى ە.ب. قاناعاتوۆقا جۇكتەلسىن. 5. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگىنىڭ توراعاسى ت.ەسەنتاەۆ. قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2014 جىلعى 25 شىلدەدەگى № 289 بۇيرىعىمەن بەكىتىلدى سپورت ءتۇرى بويىنشا قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ (سپورت ءتۇرى بويىنشا ۇلتتىق قۇراما كوماندالاردىڭ) قۇرامىن قالىپتاستىرۋ قاعيدالارى 1. جالپى ەرەجەلەر 1. وسى سپورت ءتۇرى بويىنشا قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ (سپورت ءتۇرى بويىنشا ۇلتتىق قۇراما كوماندالاردىڭ) قۇرامىن قالىپتاستىرۋ قاعيدالارى (بۇدان ءارى – قاعيدا) قازاقستان رەسپۋبليكاسىنىڭ 2014 جىلعى 3 شىلدەدەگى «دەنە شىنىقتىرۋ جانە سپورت تۋرالى» زاڭىنىڭ 7-بابى 31) تارماقشىسىنا سايكەس ازىرلەنگەن. 2. وسى قاعيدادا مىناداي ۇعىمدار قولدانىلادى: 1) اعا جاتتىقتىرۋشى - قازاقستان رەسپۋبليكاسىنىڭ قۇراما كوماندالارىنىڭ نەگىزگى جاستار (رەزەرۆتىك) قۇراماسىنىڭ دايارلىعى ءۇشىن جاۋاپ بەرەتىن جاتتىقتىرۋشى; 2) جاتتىقتىرۋشىلار كەڭەسى - سپورتشىلار مەن كوماندالاردى سپورت جارىستارىنا قاتىسۋعا دايارلاۋ ادىستەمەسىنە ۇسىنىمدار ازىرلەۋ ءۇشىن باس جاتتىقتىرۋشى, مەملەكەتتىك جاتتىقتىرۋشى, وبلىستاردىڭ اعا جاتتىقتىرۋشىلاردان, سپورت تۇرلەرى بويىنشا قۇراما كوماندالاردىڭ دارىگەرلەرىنەن, دەنە شىنىقتىرۋ جانە سپورت سالاسىنداعى عالىمداردان, دەنە شىنىقتىرۋ, سپورت تۇرلەرى بويىنشا رەسپۋبليكالىق فەدەراتسيالاردىڭ كەڭەسشى ورگانى; 3) جەكە جاتتىقتىرۋشى - قازاقستان رەسپۋبليكاسى قۇراما كومانداسىنان تىس جەردە سپورتشىنىڭ جەكە دايىندىق جوسپارىن ورىنداۋىنا باعىتتالعان دايارلىعىن ۇيىمداستىرادى; 4) جىلدىڭ باستى جارىستارى – قازاقستان رەسپۋبليكاسىنىڭ چەمپيوناتتارى, قازاقستان رەسپۋبليكاسىنىڭ سپارتاكيادالارى جانە قازاقستان رەسپۋبليكاسىنىڭ كۋبوگى; 5) مەملەكەتتiك جاتتىقتىرۋشى – قازاقستان رەسپۋبليكاسىنىڭ اۋماعىندا سپورت ءتۇرىن (تۇرلەرىن) دامىتۋ جونىندەگى مەملەكەتتىك ساياساتتى ىسكە اسىرۋ بويىنشا فۋنكتسيالار مەن ءىس-شارالاردى جۇزەگە اسىراتىن جاتتىقتىرۋشى; 6) نىسانالى كەشەندى باعدارلاما - سپورتتىق ۇيىمداردىڭ كۇش-قيمىلىن ماقساتتى جانە ءتيىمدى بولۋگە, بىلىكتىلىگى جوعارى سپورتشىلاردى تاربيەلەۋدىڭ باستى باعىتتارىنا نازار اۋدارۋعا مۇمكىندىك بەرەتىن, وقۋ-جاتتىعۋ, عىلىمي-ادىستەمەلىك جانە مەديتسينالىق قامتاماسىز ەتۋ, ماتەريالدىق-تەحنيكالىق بازانى, تاربيەلىك جانە پاتريوتتىق جۇمىستى دامىتۋدى قوسا العاندا, وليمپيادالىق تسيكلعا سپورتشىلاردى دايارلاۋ جونىندەگى ماسەلەلەردى كەشەندى شەشۋگە ارنالعان پەرسپەكتيۆالى جوسپار; 7) سپورت ءتۇرى بويىنشا قازاقستان رەسپۋبليكاسى قۇراما كومانداسىنىڭ (سپورت ءتۇرى بويىنشا ۇلتتىق قۇراما كوماندانىڭ) باس جاتتىقتىرۋشىسى – قازاقستان رەسپۋبليكاسىنىڭ سپورت ءتۇرi بويىنشا قۇراما كومانداسىنا (سپورت ءتۇرى بويىنشا ۇلتتىق قۇراما كومانداعا) باسشىلىق جاساۋعا, ونىڭ دايارلىعىنا, قالىپتاستىرىلۋىنا جانە الەم چەمپيوناتتارىنا, وليمپيادا, پاراليمپيادا, سۋردليمپيادا ويىندارىنا جانە باسقا دا حالىقارالىق جارىستارعا قاتىسۋىنا جاۋاپ بەرەتiن جاتتىقتىرۋشى; 8) سپورتشى – سپورت تۇرىمەن (تۇرلەرىمەن) جۇيەلى تۇردە اينالىساتىن جانە سپورتتىق جارىستارعا قاتىساتىن جەكە تۇلعا; 9) سپورت تۇرلەرى بويىنشا قازاقستان رەسپۋبليكاسىنىڭ قۇراما كوماندالارى (سپورت تۇرلەرى بويىنشا ۇلتتىق قۇراما كوماندالار) – دايارلىقتى جۇزەگە اسىراتىن جانە قازاقستان رەسپۋبليكاسىنىڭ مەملەكەتتىك تۋى استىندا حالىقارالىق سپورتتىق جارىستارعا قاتىساتىن سپورتشىلار, جاتتىقتىرۋشىلار, وتاندىق جانە شەتەلدىك ماماندار ۇجىمدارى. 3. سپورت تۇرلەرى بويىنشا قازاقستان رەسپۋبليكاسىنىڭ قۇراما كومانداسى نەگىزگى جانە جاستار (رەزەرۆتىك) قۇرامىنان قۇرالادى. رەسپۋبليكالىق جانە حالىقارالىق جارىستاردىڭ جەڭىمپازدارى جانە جۇلدەگەرلەرى سپورت تۇرىنەن قازاقستان رەسپۋبليكاسىنىڭ نەگىزگى جانە جاستار (رەزەرۆتىك) قۇراما كومانداسىنا مۇشەلىككە ۇمىتكەرلەر بولىپ تابىلادى. قازاقستان رەسپۋبليكاسى قۇراما كوماندالارىنىڭ نەگىزگى جانە جاستار (رەزەرۆتىك) قۇرامالارىنا مۇشە سپورتشىلار ءوز قاتارلارىنان كوماندا كاپيتانىن سايلايدى. كوماندا كاپيتانى وقۋ-جاتتىعۋ پروتسەسى مەن جارىس كەزىندە قۇراما كوماندانىڭ مۇشەلەرىنىڭ جانە كوماندا باسشىلىعىنىڭ اراسىنداعى نەگىزگى دانەكەر بولادى. 4. نەگىزگى جانە جاستار (رەزەرۆتىك) كونتينگەنتىنىڭ ساندىق قۇرامىنا: 1) ءۇش قۇرام - سپورتتىڭ وليمپيادالىق تۇرلەرى بويىنشا; 2) ەكى قۇرام - سپورتتىڭ وليمپيادالىق ەمەس تۇرلەرىنەن; 3) ءبىر جارىم قۇرام قابىلدانادى - سپورتتىق ويىن (وليمپيادالىق, وليمپيادالىق ەمەس) تۇرلەرىنەن. 5. قازاقستان رەسپۋبليكاسى قۇراما كوماندالارىنىڭ نەگىزگى ماقساتتارى: 1) الەمدىك سپورت ارەنالارىندا جوعارعى ناتيجەلەرگە قول جەتكىزۋ; 2) ءارتۇرلى دەڭگەيدەگى سپورتتىق ءىس-شارالارعا قاتىسۋ, وليمپيادالىق جانە سپورتتىق قوزعالىستى قازاقستان رەسپۋبليكاسىندا جانە ودان باسقا جەرلەردە ناسيحاتتاۋ; 3) حالىقارالىق سپورتتىق جارىستارعا قاتىسۋ ارقىلى حالىقتار اراسىنداعى دوستىق پەن ءوزارا تۇسىنىسۋشىلىكتى نىعايتۋ. 6. قازاقستان رەسپۋبليكاسى قۇراما كوماندالارىنىڭ نەگىزگى مىندەتتەرى: 1) ازيا, وليمپيادا, پاراليمپيادا جانە سۋردليمپيادا ويىندارىندا, ۋنيۆەرسيادالارعا, الەم, ازيا, ەۋروپا چەمپيوناتتارى مەن كۋبوكتارىنا جانە باسقا حالىقارالىق سپورتتىق جارىستارعا دايىندالۋ جانە تابىستى ونەر كورسەتۋ; 2) سپورتشىلاردىڭ سپورتتىق شەبەرلىگىن ودان ءارى جەتىلدىرۋ; 3) قازاقستان سپورتىنىڭ حالىقارالىق ارەناداعى بەدەلىن ارتتىرۋ; 4) سپورتشىلاردى پاتريوتتىققا تاربيەلەۋ جانە دەنە شىنىقتىرۋ مەن سپورتتى ناسيحاتتاۋ; 5) سپورتشىلاردى دايارلاۋدىڭ, وقۋ-جاتتىعۋ پروتسەسىن عىلىمي جانە مەديكو-بيولوگيالىق قامتاماسىز ەتۋدىڭ ادىستەمەسىن جەتىلدىرۋ. 2. قازاقستان رەسپۋبليكاسى قۇراما كوماندالارىنىڭ قۇرامى 7. اككرەديتەلگەن سپورتتىق فەدەراتسيالار الدىڭعى جىلدىڭ باستى (قازاقستان رەسپۋبليكاسىنىڭ سپورت تۇرلەرىنەن چەمپيوناتارى) جارىستارىنىڭ دەنە شىنىقتىرۋ جانە سپورت سالاسىنداعى ۋاكىلەتتى ورگان قۇرامىن قازاقستان رەسپۋبليكاسىنىڭ قۇراما كومانداسىنا ۇمىتكەرلەردى قاراستىرۋ جونىندەگى كونكۋرستىق كوميسسياعا ۇسىنىلاتىن قازاقستان رەسپۋبليكاسىنىڭ قۇراما كومانداسىنا ۇمىتكەرلەردى ىرىكتەيدى. كوميسسيا بەس ادامنان تۇرادى: 1) ۋاكىلەتتى ورگاننىڭ ەكى وكىلى; 2) سپورت ءتۇرى (تۇرلەرى) بويىنشا باس جاتتىقتىرۋشى; 3) ۇلتتىق شتاتتىق كوماندالار ديرەكتسياسىنىڭ ەكى وكىلى. ۇمىتكەرلەردى ىرىكتەۋ ولاردىڭ سپورتتىق ناتيجەلەرىنىڭ نەگىزىندە جۇرگىزىلەدى. اككرەديتتەلگەن سپورتتىق فەدەراتسيالار كوميسسياعا كەلەسى قۇجاتتاردى ۇسىنادى: 1) سپورت جارىستاردىڭ حاتتاما (جىلدىڭ باستى جارىستارىندا كورسەتىلگەن سپورتتىق جەتىستىكتەر); 2) دەنساۋلىق جاعدايى تۋرالى انىقتاما (سپورتشىلار ءۇشىن سپورتتىق مەديتسينا جانە وڭالتۋ ورتالىعىنىڭ مەديتسينالىق قورىتىندىسىن ۇسىنۋ); 3) سوتتى بولعاندىعى نەمەسە بولماۋى تۋرالى انىقتاما. وسى قۇجاتتاردىڭ كوشىرمەسى, كونكۋرستىق كوميسسيا وتىرىسىنىڭ حاتتاماسى, سونىمەن قاتار قازاقستان رەسپۋبليكاسىنىڭ قۇراما كوماندالارىنا ۇمىتكەرلەردىڭ ءتىزىمى قازاقستان رەسپۋبليكاسى قۇراما كوماندالارى قۇرامدارىن بەكىتۋ كەزىندە دەنە شىنىقتىرۋ جانە سپورت سالاسىنداعى ۋاكىلەتتى ورگانعا ۇسىنىلادى. دەنە شىنىقتىرۋ جانە سپورت سالاسىنداعى ۋاكىلەتتى ورگان قازاقستان رەسپۋبليكاسىنىڭ قۇراما كوماندالارىنا ۇمىتكەرلەردى قاراستىراتىن كوميسسيانى قۇرادى جانە بەكىتەدى. 8. قازاقستان رەسپۋبليكاسى قۇراما كومانداسى مۇشەلەرىنىڭ قۇرامىن جىل سايىن جازعى سپورت تۇرلەرىنەن 25 جەلتوقسانعا دەيىن جانە قىسقى سپورت تۇرلەرىنەن 1 ماۋسىمعا دەيىن دەنە شىنىقتىرۋ جانە سپورت سالاسىنداعى ۋاكىلەتتى ورگان بەكىتەدى. 9. سپورتشىلار, جاتتىقتىرۋشىلار, وتاندىق جانە شەتەلدىك ماماندار, دەنە شىنىقتىرۋ-سپورت جانە مەديتسينا ۇيىمدارىنىڭ باسقا دا قىزمەتكەرلەرى ۋاكىلەتتى ورگان شەشىمىمەن قازاقستان رەسپۋبليكاسى قۇراما كوماندالارىنىڭ مۇشەلەرى رەتىندە بەكىتىلەدى. 10. قۇراما كوماندالاردىڭ مارتەبەسىن جانە سپورتشىلاردىڭ جاۋاپكەرشىلىگىن ارتتىرۋ ماقساتىندا نەگىزگى جانە جاستار (رەزەرۆتىك) قۇرامىنداعى سپورتشىلار اراسىنان ۇجىمعا قۇراما كوماندانىڭ جاڭا مۇشەلەرىن سالتاناتتى تۇردە قابىلداۋ 2-قوسىمشاعا سايكەس قازاقستان رەسپۋبليكاسى قۇراما كوماندا مۇشەسىنىڭ انتىن قابىلدايدى. 11. قازاقستان رەسپۋبليكاسى قۇراما كومانداسىنىڭ مۇشەلەرى سپورتتىق ناتيجەلەردى تومەندەتكەنى, جەكە جوسپارلار مەن بەلگىلەنگەن نورماتيۆتەردى جۇيەلى ورىنداماعانى, تىيىم سالىنعان سۋبستانتسيالار قولدانعانى, شارت تالاپتارىن بۇزعاندىعى ءۇشىن كوماندا قۇرامىنان شىعارىلادى. 12. باس جاتتىقتىرۋشى قازاقستان رەسپۋبليكاسى قۇراما كوماندالارىنا باسشىلىق ەتەدى جانە سپورت تۇرلەرى بويىنشا جاتتىقتىرۋشىلار كەڭەسىن باسقارادى. 13. باس جاتتىقتىرۋشى سپورت تۇرلەرىنەن قۇراما كوماندا مۇشەلەرىنىڭ دايارلىعى جونىندەگى جۇمىستى ۇيىمداستىرادى جانە قۇراما كومانداعا مۇشە سپورتشىلاردىڭ جارىستارعا قاتىسۋىنىڭ ناتيجەلەرىنە ۇنەمى تالداۋ جۇرگىزەدى. دايارلىقتىڭ نىسانالى ءارى كەشەندى باعدارلامالارىن ىسكە اسىرۋ جونىندە جۇمىستار جۇرگىزەدى. 14. قازاقستان رەسپۋبليكاسى قۇراما كومانداسىنا مۇشە سپورتشىنىڭ جەكە جاتتىقتىرۋشىسى قازاقستان رەسپۋبليكاسى قۇراما كومانداسىنا ورتالىقتاندىرىلعان دايارلىق ءۇشىن ۋاقىتشا ىسساپارعا جىبەرىلۋى مۇمكىن. 15. سپورت دارىگەرى قازاقستان رەسپۋبليكاسى قۇراما كومانداسىنا مۇشە سپورتشىنىڭ دەنساۋلىعىن قاداعالايدى, جاتتىقتىرۋشىلار قۇرامىنا سپورتشىنىڭ فۋنكتسيونالدى جاعدايى مەن ۇسىنىلاتىن جاتتىعۋ جۇكتەمەلەرى جونىندە ۇسىنىستار بەرەدى, مەديكو-بيولوگيالىق, قالپىنا كەلتىرۋ شارالارى مەن ەمدەۋدى, سونداي-اق سپورتشىنى ۇيلەسىمدى تاماقتاندىرۋدى, وقۋ-جاتتىعۋ جيىندارى مەن جارىستار وتەتىن ورىنداردىڭ سانيتارلىق-گيگيەنالىق جاعدايىن باقىلاۋدى جۇزەگە اسىرادى. 16. قازاقستان رەسپۋبليكاسى قۇراما كومانداسىنىڭ ماسساجشىسى سپورت دارىگەرىنىڭ نەمەسە باس دارىگەردىڭ ادىستەمەلىك باسشىلىعىمەن جۇمىس ىستەيدى. 17. قازاقستان رەسپۋبليكاسى قۇراما كومانداسىن عىلىمي-ادىستەمەلىك قامتاماسىز ەتۋ ءۇشىن تارتىلاتىن ماماندار, ونىڭ فۋنكتسيونالدىق جانە تەحنيكالىق دەڭگەيىنە اعىمداعى باقىلاۋدى جۇزەگە اسىرادى ءوز قۇزىرەتى شەگىندە, باس جاتتىقتىرۋشىمەن, جاتتىقتىرۋشىلار كەڭەسىمەن بىرلەسىپ باعدارلامالار مەن جەكە دايىندىق جوسپارىن ازىرلەۋگە قاتىسادى, سپورتشىلاردى دايارلاۋدا ادىستەمەلىك كومەك كورسەتەدى. سپورت ءتۇرى بويىنشا قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ (سپورت ءتۇرى بويىنشا ۇلتتىق قۇراما كوماندالاردىڭ) قۇرامىن قالىپتاستىرۋ قاعيدالارىنا قوسىمشا نىسان قازاقستان رەسپۋبليكاسىنىڭ قۇراما كومانداسى مۇشەسىنىڭ انتى مەن, (ت.ا.ءا), مەنى________________________________(سپورت ءتۇرى) قازاقستان رەسپۋبليكاسىنىڭ قۇراما كومانداسىنا قابىلداۋدى مەملەكەتتىڭ كورسەتكەن ەرەكشە سەنىمى رەتىندە باعالاي جانە ءوزىمنىڭ جاۋاپكەرشىلىگىمدى سەزىنە وتىرىپ: - اسا جوعارى ناتيجەلەرگە جەتۋ ءۇشىن ءوزىمنىڭ جەڭىسكە دەگەن بار كۇش-جىگەرىمدى جۇمساي وتىرىپ, سپورت ارەناسىندا ءبىزدىڭ وتانىمىزدىڭ نامىسىن لايىقتى قورعاۋ ءۇشىن سپورتتىق شەبەرلىگىمدى ۇنەمى جەتىلدىرۋگە; - سپورت جارىستارىندا ادال كۇرەسۋگە, جارىس ەرەجەلەرىن قاتاڭ ساقتاۋعا, دوپينگكە قارسى كودەكستى ۇستانۋعا جانە تىيىم سالىنعان زاتتاردى پايدالانباۋعا; - سپورتتاعى تالىمگەرلەردىڭ بارلىق نۇسقاۋلارى مەن تالاپتارىن ورىنداۋعا, جاتتىقتىرۋشى-وقىتۋشىلار قۇرامىنا, كوماندا مۇشەلەرىنە, باسەكەلەستەرگە, تورەشىلەرگە, كورەرمەندەر مەن جانكۇيەرلەرگە سىيلاستىقپەن قاراۋعا; - ءوزىمنىڭ بارلىق ءىس-ارەكەتىمدە سپورتتىق ادەپ ەرەجەلەرىن باسشىلىققا الۋعا سالتاناتتى تۇردە انت ەتەمىن. مەنىڭ وسى انتتى بۇزۋىم قازاقستان رەسپۋبليكاسى قۇراما كومانداسىنىڭ مۇشەسى دەگەن جوعارى اتاقپەن سىيىسپايتىندىعىن ۇعىنامىن. _______________________________ __________________ تەگى اتى اكەسىنىڭ اتى (كۇنى) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 5 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9682 بولىپ ەنگىزىلدى.