فوتو: complimed.com.
دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە, الداعى ەپيدەميالىق ماۋسىمدا تۇماۋدىڭ 3 شتامى قاۋىپتى بولماق. مەملەكەتتىك بيۋدجەت قاراجاتىنا ۆيرۋسقا توسقاۋىل بولاتىن 2 ميلليون 207 مىڭ دوزا رەسەيلىك ۆاكتسينا ساتىپ الىنعان. بۇل رەسپۋبليكا حالقىنىڭ 11%-ن قامتۋعا مۇمكىندىك بەرەدى.
«بۇگىندە تۇماۋعا قارسى 769 مىڭ ادام ەگىلدى. ونىڭ ىشىندە 184 500 بالاعا سالىندى. ۆاكتسيناتسيا جالعاسىپ جاتىر. مەملەكەتتىك بيۋدجەت قاراجاتى ەسەبىنەن حالىقتىڭ نەعۇرلىم وسال توپتارى, مەديتسينا قىزمەتكەرلەرى, مەديتسينالىق ۇيىمداردا ديسپانسەرلىك ەسەپتە تۇرعان بالالار, جەتىم جانە اتا-اناسىنىڭ قامقورلىعىنسىز بالالارعا ارنالعان ءبىلىم بەرۋ ۇيىمدارىنىڭ, بالالار ۇيلەرىنىڭ تاربيەلەنۋشىلەرى ەپيدەميولوگيالىق كورسەتكىشتەر بويىنشا ۆاكتسينا الىپ جاتىر», دەدى قر دسم سانيتاريالىق-ەپيدەميولوگيالىق باقىلاۋ كوميتەتىنىڭ باسشىسى سارحات بەيسەنوۆا.
