فوتو: ult.kz
قايعىلى وقيعا وسى جىلدىڭ 15 ناۋرىزىندا بولعان.
سوت اقپاراتىنا سايكەس قىلمىسكەرلەر 6 ناۋرىز كۇنى مارقۇممەن ورتاق تانىسى ارقىلى ءبىلىسىپ, الماتى قالاسىندا ۋاقىتشا پانالايتىن ورىن تابۋعا كومەكتەسۋىن وتىنگەن. الماتى قالاسىنان پاتەر العان ەكىنشى كۇنى سوتتالۋشىلار قارجىسىنىڭ جوقتىعىن ايتىپ, جابىرلەنۋشىنىڭ تەلەفونىن قايتىپ الىپ بەرۋ شارتىمەن كوميسسيالىق دۇكەنگە تاپسىرۋعا كوندىرگەن. ول قاراجاتتى جۇمساعاننان كەيىن سوتتالۋشىلار جابىرلەنۋشىنىڭ اتىنا بانكتەر مەن ميكروقارجى ۇيىمدارىنان 435 مىڭ تەڭگەگە اقشالاي قارىز رەسىمدەتكەن.
12 ناۋرىزدا سوتتالۋشىلار قىزدىڭ سمارتفونىن كوميسسيالىق دۇكەننەن جاسىرىن ساتىپ الىپ, بوگدە ادامعا 240 مىڭ تەڭگەگە ساتىپ, قاراجاتتى جەكە ماقساتتا پايدالانعان.
جابىرلەنۋشى تەلەفوندى قايتارۋ تۋرالى تالاپ قويا باستاعاندا سوتتالۋشىلار قىزدى قاساقانا ءولتىرۋدى شەشەدى.
وسى ويلارىن جۇزەگە اسىرۋ ءۇشىن قىلمىسكەرلەر قىزدى ۇيىنە جەتكىزىپ سالامىز دەپ سىلتاۋراتىپ, 15 ناۋرىز كۇنى ساعات 02:00 شاماسىندا قوناەۆ-قازاقستان اۆتوجولىنىڭ 36 – شاقىرىمىندا جول شەتىندەگى اشىق ۋچاسكەدە مارقۇمدى ۇرىپ-سوعىپ, سوڭىرا ورتەپ جىبەرۋگە تىرىسقان. جاس قىز العان جاراقاتتارىنان سول جەردە قايتىس بولعان. ال قىلمىسكەرلەر وقيعا ورنىنان قاشىپ كەتكەن.
الماتى وبلىستىق سوتى قاتىگەزدىكپەن كىسى ولتىرگەن ايىپتالۋشىلار ق. جانە س.-نىڭ ارقايسىسىن 17 جىلعا باس بوستاندىعىنان ايىرۋ جازاسىن تاعايىندادى.
سوت ۇكىمى زاڭدى كۇشىنە ەندى.
