ماجىلىستە ۇلتتىق اسسامبلەيا دەلەگاتسياسىن قارسى العان ەرلان قوشانوۆ ديپلوماتيالىق قارىم-قاتىناس ورناعان جىلدار ىشىندە ەلدەرىمىز كوپتەگەن باعىتتا ستراتەگيالىق ارىپتەستىكتى نىعايتۋدا مول تابىسقا جەتكەنىنە نازار اۋدارىپ, بۇل ەكى ەلدىڭ كوشباسشىلارى – قازاقستان پرەزيدەنتى قاسىم-جومارت توقاەۆ پەن كورەيا پرەزيدەنتى يۋن سوك ءيولدىڭ كۇش-جىگەرىنىڭ ناتيجەسى ەكەنىن اتاپ ءوتتى.
– ءبىز ءوز تاراپىمىزدان مەملەكەتتەرىمىزدىڭ باسشىلارى قول جەتكىزگەن كەلىسىمدەردىڭ زاڭنامالىق دەڭگەيدە بەكىتىلۋىن قامتاماسىز ەتۋگە بار كۇشىمىزدى سالىپ جاتىرمىز. ەلدەرىمىزدە بولىپ جاتقان ماڭىزدى ترانسفورماتسيالىق ۇدەرىستەردى ەسكەرىپ, زاڭناما سالاسىندا تاجىريبە الماسۋعا باسىمدىق بەرىپ وتىر. ءبىز ەكىجاقتى پارلامەنتارالىق ىنتىماقتاستىقتى ودان ءارى نىعايتۋعا مۇددەلىمىز. سىزدەردە دە ءدال وسىنداي نيەت بار ەكەنىن كورىپ وتىرمىز, – دەدى ءماجىلىس توراعاسى.
ءوز سوزىندە ۋ ۆون شيك قازاقستاندا بولىپ جاتقان بارلىق سالاداعى ءىرى وزگەرىستەرگە ءمان بەردى. ۇلتتىق اسسامبلەيا سپيكەرى ەكى ەل دەپۋتاتتارى اراسىندا قالىپتاسقان تىكەلەي ديالوگتى اتاپ ءوتىپ, بۇل بارلىق دەڭگەيدەگى جان-جاقتى ارىپتەستىك قارىم-قاتىناستى ارتتىرۋعا جاقسى نەگىز بولاتىنىن ايتتى.
ءماجىلىس توراعاسى كورەيلىك ارىپتەسىن ەلىمىزدە جۇرگىزىلىپ جاتقان اۋقىمدى ساياسي رەفورمالاردىڭ بارىسى مەن سەگىزىنشى شاقىرىلىمداعى پارلامەنت جۇمىسى تۋرالى مالىمەت ەتتى. ەرلان قوشانوۆ بۇگىندە ماجىلىستەگى التى پارتيالىق فراكتسيا مەن ءبىر مانداتتى وكرۋگتەردەن سايلانعان دەپۋتاتتار قازاقستان قوعامىنىڭ بارلىق مۇددە-پىكىرىن قامتىپ وتىرعانىن جەتكىزدى. ال بيلىك تارماقتارى «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» ساياسي مودەلى اياسىندا حالىقتىڭ سۇرانىسىن ەسكەرە وتىرىپ, ءوزارا ءتيىمدى ءىس-ارەكەت جاسايدى.
تاراپتار پارلامەنت ءماجىلىسى مەن ۇلتتىق اسسامبلەيا جانىنداعى دوستىق توپتارى اياسىندا دا, ورتالىق ازيا ەلدەرى جانە كورەيا رەسپۋبليكاسى پارلامەنتتەرى سپيكەرلەرىنىڭ «بەس پليۋس ءبىر» فورۋمى فورماتىندا دا پارلامەنتارالىق بايلانىستاردى ودان ءارى دامىتۋ ماسەلەلەرىن تالقىلادى.
پارلامەنت وكىلدەرىنىڭ ديالوگى اشحابادتا وتەتىن كەزەكتى فورۋمدا جالعاسادى.
