ماۋلەن اشىمباەۆ, الدىمەن, ۋ ۆون شيكتى اتالعان ەلدىڭ ۇلتتىق مەرەكەسى – مەملەكەتتىڭ نەگىزى قالانعان كۇنمەن قۇتتىقتادى. سونداي-اق ول كورەيا رەسپۋبليكاسى قازاقستاننىڭ ازياداعى نەگىزگى ساياسي جانە ەكونوميكالىق سەرىكتەستەرىنىڭ ءبىرى ەكەنىن اتاپ ءوتتى. سۇحبات كەزىندە ەكى ەل اراسىندا, ونىڭ ىشىندە جوعارى دەڭگەيدە تىعىز بايلانىس ورناعانى ايتىلدى. مەملەكەت باسشىلارىنىڭ ءوزارا ساپارلارى بىرلەسكەن ءىس-قيمىلعا تىڭ سەرپىن بەرىپ, قازاقستان – كورەيا قارىم-قاتىناسىن جاڭا ساپالى كەزەڭگە شىعارعانىنا دا ءمان بەرىلدى.
سونىمەن قاتار سەنات توراعاسى وڭتۇستىك كورەيانىڭ ۇلتتىق اسسامبلەياسىمەن ىنتىماقتاستىقتى ءارى قاراي كەڭەيتۋ جانە زاڭ شىعارۋ باعىتىندا تاجىريبە الماسۋدىڭ ماڭىزىنا نازار اۋداردى.
ء«بىز «قازاقستان-كورەيا» پارلامەنتارالىق دوستىق توبى اياسىنداعى ىنتىماقتاستىقتى جوعارى باعالايمىز. دوستىق توبى قۇرىلعان ساتتەن باستاپ ەكى ەلدىڭ بايلانىسىن جانداندىرۋعا ۇلكەن ۇلەس قوسىپ كەلەدى. الداعى ۋاقىتتا ءبىز اقپاراتتىق تەحنولوگيالار, تسيفرلاندىرۋ, كليماتتىڭ وزگەرۋىنە قاتىستى ءىس-قيمىل, جاسىل ەكونوميكانى ىلگەرىلەتۋ, كيبەرقىلمىسپەن كۇرەس جانە باسقا دا باعىتتار بويىنشا زاڭنامالىق تاجىريبەنى زەردەلەۋگە مۇددەلىمىز», دەدى سەنات سپيكەرى.
كەزدەسۋ بارىسىندا سۇحباتتاسۋشىلار الەمدىك جانە ءداستۇرلى دىندەر ليدەرلەرىنىڭ سەزى اياسىندا اتقارىلىپ كەلە جاتقان رۋحاني ديپلوماتيانى دامىتۋ باعىتىنداعى جۇمىستارعا دا توقتالىپ ءوتتى. تاراپتار وڭىرلىك, ساۋدا-ەكونوميكالىق جانە ينۆەستيتسيالىق ىنتىماقتاستىققا قاتىستى ماسەلەلەردى دە تالقىلادى.
«ەل وڭىرلەرىنىڭ مۇددەلەرىن قورعايتىن پالاتا رەتىندە ءبىز وڭتۇستىك كورەيانىڭ ايماقتارىمەن بايلانىس ورناتۋعا مۇددەلىمىز. سونداي-اق «ورتالىق ازيا – كورەيا رەسپۋبليكاسى» فورماتىندا كەزدەسۋلەر وتكىزۋ باستاماسىن قولدايمىز. كەلەسى اپتادا اشحابادتا وتەتىن ورتالىق ازيا جانە كورەيا پارلامەنتتەرى سپيكەرلەرىنىڭ ەكىنشى وتىرىسىنىڭ ناتيجەلى بولۋىنا تىلەكتەستىگىمدى بىلدىرەمىن. مۇنداي باستاما ءوزارا ءىس-قيمىلىمىزدى ودان ءارى نىعايتۋعا ىقپال ەتەدى دەپ سەنەمىن», دەگەن ماۋلەن اشىمباەۆ پارلامەنت سەناتى الداعى ۋاقىتتا دا قازاقستان مەن وڭتۇستىك كورەيا اراسىنداعى ىنتىماقتاستىقتىڭ اياسىن ودان ءارى كەڭەيتۋگە ىقپال ەتۋدى جالعاستىرا بەرەتىنىن ايتتى.
ءوز كەزەگىندە ۋ ۆون شيك ەلىمىزدە جۇرگىزىلىپ جاتقان رەفورمالاردى جوعارى باعالاپ, ەكى مەملەكەت اراسىنداعى, ونىڭ ىشىندە پارلامەنتارالىق باعىتتاعى ءوزارا ءىس-قيمىلدى دامىتۋدىڭ ماڭىزى تۋرالى ءسوز قوزعادى.
سۇحبات كەزىندە سەنات توراعاسى ەلىمىزدە مەملەكەت باسشىسىنىڭ باستاماسىمەن جۇزەگە اسىرىلىپ جاتقان الەۋمەتتىك-ساياسي جانە ەكونوميكالىق رەفورمالار جونىندە ايتىپ, پالاتانىڭ زاڭ شىعارۋ جۇمىسىنا توقتالدى. بۇل رەتتە اڭگىمە اگروونەركاسىپتىك كەشەندى دامىتۋ شارالارى, تسيفرلاندىرۋ جانە يننوۆاتسيالاردى ەنگىزۋ تاسىلدەرى جونىندە ءوربىدى.
