فوتو تۋريزم جانە سپورت مينيسترلىگى
سالتاناتتى ءىس-شاراعا قازاقستان رەسپۋبليكاسى تۋريزم جانە سپورت ۆيتسە-ءمينيسترى سەرىك جاراسباەۆ, IBSA پاۋەرليفتينگ توراعاسى تيناتي رەۆازاشۆيلي جانە IBSA پرەزيدەنتى يلكار راحيموۆ قاتىسىپ, جارىس قاتىسۋشىلارىنا ساتتىلىك تىلەدى.
«بۇگىن ەلىمىز ءۇشىن ايتۋلى وقيعا. قازاقستاندا تۇڭعىش رەت كورۋ قابىلەتى تومەن جانە زاعيپ جاندار اراسىندا جوعارى دەڭگەيدەگى حالىقارالىق جارىس وتكىزىلىپ جاتىر. بۇل چەمپيونات ينكليۋزيۆتى قوعامدى جانە پاراليمپيادالىق قوزعالىستى دامىتۋداعى ماڭىزدى قادام. وسىنداي باستامالار ەلىمىزدە پاراليمپيادالىق سپورتتىڭ, ونىڭ ىشىندە پارا پاۋەرليفتينگتىڭ قارقىندى دامىپ كەلە جاتقانىن كورسەتەدى. داۆيد دەگتيارەۆ پەن راۋشان قويشىباەۆا سەكىلدى سپورتشىلارىمىزدىڭ جەتىستىكتەرى سونىڭ دالەلى. ولاردىڭ جەڭىسى جاڭا بۋىنعا ۇلگى بولىپ, بولاشاق چەمپيوندارعا جول كورسەتىپ, شابىتتاندىرىپ كەلەدى», دەدى ۆيتسە-مينيستر.
الەمدىك دودانىڭ العاشقى كۇنىندە ا (48, 52, 56 كگ) جانە B (60 جانە67,5 كگ) سالماق دارەجەسىندەگى سپورتشىلار سىنعا ءتۇستى. جاھاندىق دوداعا قازاقستان, گرۋزيا, ۋكراينا, تۇركيا, ليۆيا, چەحيا, يزرايل جانە كەنيا سپورتشىلارى قاتىسىپ جاتىر.
الەم چەمپيوناتىن قازاقستان رەسپۋبليكاسىنىڭ تۋريزم جانە سپورت مينيسترلىگى مەن استانا قالاسى اكىمدىگىنىڭ قولداۋىمەن قازاقستاننىڭ پاراپاۋەرليفتينگ فەدەراتسياسى, قازاقستاندىق زاعيپ سپورت اسسوتسياتسياسى ۇيىمداستىردى.
چەمپيونات 12-ءشى قازانعا دەيىن جالعاسادى.
