فوتو: freepik.com
«رەسپۋبليكا بويىنشا الداعى جىلىتۋ ماۋسىمىنا شامامەن 12 مىڭ اۆتونومدى قازاندىق دايىندىق جۇمىستارىنان ءوتتى. اۆتونومدى قازاندىقتار قاجەتتى كومىرمەن 93%, مازۋتپەن 99% جانە ديزەل وتىنىمەن 90% قامتاماسىز ەتىلدى», دەدى مينيستر.
بۇگىندە ءبىلىم بەرۋ جانە دەنساۋلىق ساقتاۋ نىساندارى مەن تۇرعىن ۇيلەر جىلىتۋ ماۋسىمىنا تولىقتاي دايىن.
كوممۋنالدىق تۇرمىستىق قاجەتتىلىككە جانە حالىقتىڭ پايدالانۋىنا ارنالعان كومىرگە قاجەتتىلىك 8,2 ملن توننانى قۇرايدى. جىلىتۋ ماۋسىمى باستالعالى بەرى شامامەن 3 ملن توننا جەتكىزىلدى.
قانات شارلاپاەۆ بۇگىنگى تاڭدا ەلىمىزدىڭ كومىر تۇيىقتارىنداعى ءتۇرلى ماركاداعى وتىن قورى شامامەن 577 مىڭ توننانى قۇرايتىنىن, بۇل وتكەن جىلمەن سالىستىرعاندا 100 مىڭ تونناعا ارتىق ەكەنىن اتاپ ءوتتى.
جالپى, مينيسترلىك تاراپىنان وڭىرلەردى كومىرمەن قامتاماسىز ەتۋ بويىنشا تۇراقتى مونيتورينگ جۇرگىزىلىپ جاتىر. قازاقستان تەمىر جولى مەن كومىر ءوندىرۋشى كاسىپورىندار كومىردىڭ قاجەتتى كولەمىن جەتكىزۋگە ءازىر.
الەۋمەتتىك كومىردىڭ ەلدەن تىس جەرلەرگە شىعارىلۋىن بولدىرماۋ ماقساتىندا كومىر ەكسپورتىنا ليتسەنزيا بەرۋدى كوزدەيتىن ۇكىمەت قاۋلىسى قابىلداندى.
بۇدان بولەك, دەلدالداردىڭ جۇمىسىن بولدىرماۋ ماقساتىندا, كومىردى ساتۋدى بيرجاعا شىعارۋ بويىنشا جۇمىستار جۇرگىزىلىپ جاتىر.
سولتۇستىك, ورتالىق جانە شىعىس وڭىرلەردە جىلىتۋ ماۋسىمى باستالىپ, حالىق تاراپىنان كومىر ساتىپ الۋ بەلسەندى تۇردە ءجۇرىپ جاتىر. ال وڭتۇستىك جانە وڭتۇستىك-شىعىس وڭىرلەردە حالىقتىڭ كومىردى ساتىپ الۋى بويىنشا اقپاراتتاندىرۋ جۇمىستارىن بەلسەندەتۋ قاجەت.
بارلىق وڭىرلەردە جىلىتۋ ماۋسىمى جوسپارعا سايكەس باستالىپ جاتىر جانە جوندەۋ جۇمىستارى جىلۋ بەرۋ باستالعانعا دەيىن اياقتالادى.
