فوتو: دەنساۋلىق ساقتاۋ مينيسترلىگى
دەنساۋلىق ساقتاۋ مينيسترلىگى مەن Halyk مەديتسينالىق ينفراقۇرىلىمدى جاقسارتۋعا جانە حالىقتىڭ مەديتسينالىق كومەك الۋى ءۇشىن بارىنشا قولايلى جاعداي جاساۋعا مۇمكىندىك بەرەتىن بىرلەسكەن يننوۆاتسيالىق جوبالار تۋرالى كەلىستى. بۇل ءۇشىن بانكتىڭ تسيفرلىق تەحنولوگيالارى بەلسەندى پايدالانىلادى. ءتيىستى مەموراندۋمعا دەنساۋلىق ساقتاۋ ءمينيسترى اقمارال ءالنازاروۆا مەن Halyk Bank باسقارما توراعاسى ءۇمىت شاياحمەتوۆا قول قويدى.
قۇجاتتا دەنساۋلىق ساقتاۋدى تسيفرلاندىرۋ, الەۋمەتتىك ءمانى بار اۋرۋلاردىڭ پروفيلاكتيكاسى باعدارلامالارىن قولداۋ جانە شالعاي وڭىرلەردى قوسا العاندا, قازاقستاننىڭ بارلىق ازاماتى ءۇشىن مەديتسينالىق قىزمەتتەردىڭ قولجەتىمدىلىگىن قامتاماسىز ەتۋ جونىندەگى بىرلەسكەن باستامالاردى ىسكە اسىرۋعا ەرەكشە نازار اۋدارىلعان.
«Halyk Bank-پەن ىنتىماقتاستىق دەنساۋلىق ساقتاۋ جۇيەسىنە وزىق تەحنولوگيالاردى ەنگىزۋگە جانە ساپالى مەديتسينالىق كومەككە قولجەتىمدىلىكتى جاقسارتۋعا مۇمكىندىك بەرەدى. ءبىز ەلىمىزدىڭ الەۋمەتتىك ينفراقۇرىلىمىن دامىتۋدا شەشۋشى ءرول اتقاراتىن ءىرى قارجى ينستيتۋتتارىمەن ارىپتەستىكتە زور الەۋەتتى كورىپ وتىرمىز», دەدى مينيستر اقمارال ءالنازاروۆا.
ءوز تاراپىنان Halyk باسشىسى ءۇمىت شاياحمەتوۆا دەنساۋلىق ساقتاۋ مينيسترلىگىمەن بىرلەسكەن جۇمىس زاماناۋي تەحنولوگيالاردى ەنگىزۋگە جانە ۇلت دەنساۋلىعىن قولداۋ ءۇشىن جاڭا باعدارلامالاردى دامىتۋعا مۇمكىندىك بەرەتىنىنە سەنىم ءبىلدىردى.
ء«بىز مەديتسينالىق مەكەمەلەردىڭ جابدىقتارىن جاڭعىرتۋعا بەلسەندى قاتىسۋعا, سونداي-اق مەديتسينالىق قىزمەتتەردىڭ ساپاسىن ارتتىرۋعا باعىتتالعان الەۋمەتتىك جوبالاردى قولداۋعا دايىنبىز. سونىمەن قاتار, زاماناۋي تەحنولوگيالاردى ەنگىزۋ دەنساۋلىق ساقتاۋ جۇيەسىنە دەگەن اشىقتىق پەن سەنىمدى ارتتىرۋعا مۇمكىندىك بەرەدى. دەنساۋلىق ساقتاۋ مينيسترلىگىمەن ارىپتەستىگىمىز حالىقتىڭ زاماناۋي تالاپتارى مەن قاجەتتىلىكتەرىنە جاۋاپ بەرەتىن ءتيىمدى, قولجەتىمدى جانە جوعارى ساپالى جۇيەنى قۇرۋ ءۇشىن نەگىز بولادى دەپ ۇمىتتەنەمىز», دەپ اتاپ ءوتتى ءۇمىت شاياحمەتوۆا.
ەكى تاراپ بۇل ىنتىماقتاستىق بيزنەستىڭ الەۋمەتتىك جاۋاپكەرشىلىگىن نىعايتۋعا جانە قازاقستاندا مەديتسينا مەن دەنساۋلىق ساقتاۋدىڭ تۇراقتى دامۋىنا جاردەمدەسۋگە ماڭىزدى قادام بولادى دەپ سەنىم ءبىلدىرىپ وتىر.
