فوتو: gov.kz
جوعارعى سوتتىڭ مالىمەتىنشە, سوتتالۋشى زاڭسىز جولمەن الىنعان اقبوكەن مۇيىزدەرىن استانادان قوستانايعا تاسىمالداۋعا شىققان. ول ءۇشىن كولىك جۇرگىزۋشىسىن جالداعان. الايدا, ولاردى اۋليەكول تاس جولىندا پوليتسيا ءبولىمىنىڭ قىزمەتكەرلەرى توقتاتقان.
انىقتالعانداي, سوتتالۋشىدان جالپى قۇنى 2 ملرد تەڭگەدەن اساتىن 823 زاڭسىز جولمەن الىنعان اقبوكەن ءمۇيىزى تاركىلەنگەن.
پروكۋرور سوتتالۋشىنى 10 جىلعا باس بوستاندىعىنان ايىرۋدى سۇراعان. ال جابىرلەنۋشى تاراپتىڭ وكىلى باپتىڭ سانكتسياسى شەگىندەگى جازانى تالاپ ەتكەن.
سوتتالۋشى ءوز كىناسىن مويىنداماعان.
ناتيجەسىندە, جاسالعان ءىس-ارەكەتتىڭ جەكە باسىن, سيپاتى مەن قوعامدىق قاۋىپتىلىك دارەجەسىن جانە ءىستىڭ ءمان-جايىن ەسكەرە وتىرىپ, سوتتالۋشى 8 جىلعا باس بوستاندىعىنان ايىرىلىپ, 5 جىلعا اڭشىلىقپەن بايلانىستى قىزمەتپەن اينالىسۋ قۇقىعىنان ايىرىلعان.
سوت ۇكىمى زاڭدى كۇشىنە ەنگەن جوق.
