فوتو سقو وكق
عاسىر قۇرداسى ءوزىن ءالى دە تىڭ سەزىنەدى جانە ەل ومىرىندەگى ەلەۋلى وقيعادان قالىس قالۋدى ءجون دەپ سانامايتىنىن ايتادى.
«مەن ءۇشىن بەيبىتشىلىك پەن بىرلىك – ەڭ ماڭىزدى قۇندىلىقتار. مەن رەفەرەندۋمعا بالالارىمىزدىڭ, نەمەرەلەرىمىزدىڭ بولاشاعى ءۇشىن كەلدىم. ەلىمىزدىڭ ىرگەسى بەرىك, تۇعىرى ورنىقتى بولسىن», دەدى ارداگەر.
نۇرعاسىم اجىتاەۆ 1925 جىلى بۇرىنعى سەمەي وبلىسى, ابرالى اۋدانى, سارىقامىس اۋىلىندا دۇنيەگە كەلگەن. 1943 جىلى مايدانعا شاقىرىلىپ, نوۆوسىبىردەگى سنايپەرلىك ۋچيليششەدە وقيدى.
ارداگەر ەكىنشى دۇنيەجۇزىلىك سوعىستىڭ ەڭ ءىرى شايقاستارىنا, سونىڭ ىشىندە كۋرسك شايقاسى مەن بەرلين شتۋرمىنا قاتىستى. اسكەري جولى ءۇشىن «جاپونيانى جەڭگەنى ءۇشىن», ء«ىى دارەجەلى وتان سوعىسى» مەدالدارىمەن جانە مارشال جۋكوۆتىڭ مەدالىمەن ماراپاتتالعان.
وتباسىنداعى 7 بالا, 10 نەمەرە, 9 شوبەرەسى اتالارىن ماقتان تۇتادى.
