فوتو: ەرلان ومار
بريفينگ بارىسىندا «Egemen Qazaqstan» گازەتىنىڭ ساياسات جانە قۇقىق ءبولىمىنىڭ مەڭگەرۋشىسى ورىنبەك پازىلوۆ پرەزيدەنتكە «حالىقارالىق پاندىك وليمپيادادا جەڭىمپاز اتانعان دارىندى وقۋشىلارعا قولداۋ كورسەتكەن ەدىڭىز. جاس شاحماتشىلاردىڭ ءاربىر قادامىن دا نازاردا ۇستاپ, قولداپ كەلە جاتقانىڭىزدى بىلەمىز. مۇنداي قادامنىڭ استارىندا قانداي ءمان بار؟» دەگەن ساۋال قويدى.
ء«مانى تەرەڭ. سەبەبى مەن جاستاردى قولدايمىن. مۇنى ۇنەمى ايتىپ كەلەمىن. مەملەكەتىمىزدىڭ كەلەشەگى – جاستاردىڭ قولىندا. ول ءجاي ۇران ەمەس. بۇل – ءبىزدىڭ باستى ساياساتىمىز. سوندىقتان كەلەشەكتە دە ءبىز جاستاردى قولدايمىز. ولارعا جاردەم بەرەمىز. اسىرەسە, دارىندى جاستاردى قولداۋىمىز كەرەك. كەشە عانا مۇعالىمدەرگە, ۇستازدارعا ماراپات تابىستادىم. ءوز سوزىمدە مۇعالىمدەر بۇل قوعامىمىزدىڭ وزىق تۇلعالارى ەكەنىن ايتتىم. ولار دارىندى جاستارعا ءبىلىم بەرىپ جاتىر. سوندىقتان جاستاردى دا, ولاردى وقىتىپ جاتقان مۇعالىمدەردى دە مەملەكەت قولدايدى. سونىمەن قاتار مەن كەشە عانا ۇستازدار قوعامىمىزدىڭ باستى كەيىپكەرى بولۋى كەرەك ەكەنىن ايتتىم. سوندىقتان ولارعا جاردەم بەرىپ, ۇستازداردىڭ بەدەلىن, قوعامداعى مارتەبەسىن كوتەرەمىز», دەدى پرەزيدەنت.
