ولاردى ەرتىپ كەلگەن ءبولىم كومانديرىنىڭ تاربيە جانە الەۋمەتتىك قۇقىقتىق جۇمىستار جونىندەگى ورىنباسارى پودپولكوۆنيك نۇرجان يبراەۆ اسكەري بولىمدەگى جاس ساربازدار ساياسي ناۋقانعا تۇگەل قاتىسقانىن ايتتى.
ولاردىڭ اراسىندا داۋىس بەرۋ قۇقىعىن العاش رەت يەلەنىپ جاتقان جاس ساربازدار دا بار. تۇركىستان وبلىسىنان كەلگەن جاس سارباز قۋانىش العاشبەكتىڭ جاسى 18-دە.
«بۇل مەنىڭ العاش رەت داۋىس بەرۋىم. رەفەرەندۋمعا قاتىسۋ ءاربىر ازاماتتىڭ بورىشى دەپ ويلايمىن. ازاماتتىق ۇستانىمىمدى ءبىلدىرىپ, قازاقستاننىڭ بولاشاعى ءۇشىن جاسالىپ جاتقان بۇگىنگى رەفەرەندۋمدا داۋىس بەرۋىمدى ءوزىم ءۇشىن ماڭىزدى قادام دەپ ەسەپتەيمىن», دەيدى ول.
وتان الدىنداعى بورىشتارىن وتەپ جۇرگەن بارلىق قاتارداعى جاۋىنگەرلەر ارنايى ساپپەن كەلىپ, № 6656 اسكەري بولىمىندە ورنالاسقان № 38 سايلاۋ ۋچاسكەسىندە داۋىس بەردى.
ماڭعىستاۋ وبلىسى
